„დეკანოზის უფლებების დაცვა სტრასბურგის სასამართლოზე მოხდება“, - ასე უპასუხა „კურიერის“ კითხვას სამომავლო გეგმებთან დაკავშირებით დეკანოზ გიორგი მამალაძის ადვოკატმა მიხეილ რამიშვილმა.

მისი თქმით, პრეზიდენტმა ამ გადაწყვეტილებით საზოგადოებაში არა სიმშვიდე, არამედ უფრო მეტი დაძაბულობა შემოიტანა.

„მოლოდინი მქონდა ისეთი, რა გადაწყვეტილებაც მიიღო. იგი არ შეიწყალებდა დეკანოზს,  რადგანაც მე ვამბობდი და ვამბობ, რომ არიან გარკვეული პირები, რომელთაც არანაირად არ სურთ დეკანოზის თავისუფლებაში ყოფნა. ბევრ კითხვებზე, რომლებიც საზოგადოებას აინტერესებს ექნებოდა  პასუხები მოთხოვნილი. დღეს კიდევ ერთხელ დადასტურდა და სირცხვილია, როცა პრეზიდენტი ადვოკატებს გვიხსენიებს, თითქოს ჩვენ არგუმენტები არ გვქონდა. გასაგებია, ქვეყანაში, სადაც მართლმსაჯულება არის გარდაცვლილი, სადაც არ არის სამართლიანობა, პრეზიდენტი კი არა, არავინ არაფერს არ შეცვლის. ამიტომ, ჩემი მოთხოვნა და რჩევა იქნება, სანამ ადვოკატებზე იქნება საუბარი, ჩვენს კომპეტენციაზე, ჯერ კარგად გაგვეცნოს, კარგად მოგვისმინოს და მერე ილაპარაკოს. ეს არის დადგმული ნაბიჟი. რომელსაც აპოლიტიკური ნაბიჯი ჰქვია და რომელიც არ გააჩნია პრეზიდენტს. მან  საზოგადოებაში არა სიმშვიდე, არამედ უფრო მეტი დაძაბულობა შემოიტანა ამ უსამართლობით და ამ ყველანაირი იგნორირებით, რასაც სამართლიანობა ჰქვია. ეს გადაწყვეტილება შედიოდა საპატრირქოში მყოფი სასულიერო და საერო პირების და იმ თანამდებობის პირების, რომლებიც ერთმა ქორეპისკოპოსმა ერთხელ ახსენა, რასაც სისულელე და სიშტერე უწოდეს. რაც აწყობთ გასაკეთებელია და რაც არა მიუღებელი. სამომავლოდ დეკანოზის უფლებების დაცვა სტრასბურგის სასამარტლოზე მოხდება“, - განაცხადა მიხეილ რამიშვილმა.

შეგახსენებთ, რომ პრეზიდენტმა სალომე ზურაბიშვილმა ე.წ. ციანიდის საქმეზე მსჯავრდებული დეკანოზი გიორგი მამალაძე არ შეიწყალა.

ავტორი: ექსპრესნიუსი,

სოციალური ქსელები

პენიტენციური სამსახურის უფროსად რამაზ თათარაშვილი დაინიშნა

პროკურატურის რეკომენდაციის შემდეგ, გიორგი პატარიძემ პენიტენციურის უფროსის პოსტი დატოვა

საქართველოში კაკლის გადამამუშავებელი უმსხვილესი საწარმოს მშენებლობა წელს დასრულდება

სტუდენტებისთვის საქართველოს ბანკის განათლების პროგრამებზე განაცხადების მიღება დაიწყო