ეკონომიკისა და მდგრადი განვითარების მინისტრის პირველმა მოადგილემ ეკატერინე მიქაბაძემ პასუხისმგებელი ბიზნესის კონკურსის „მელიორა 2019" - ის დაჯილდოების ცერემონიაზე პრიზი „კეთილსინდისიერი საქმიანობისთვის ბაზარზე" კომპანია „უნივერს ბიზნეს გრუპის" გენერალურ დირექტორს რომან ბადალიანს გადასცა. პრიზი კომპანიამ უფასო ტრენინგებისა და კონსულტაციების გაწევისთვის მიიღო.

დაჯილდოება სასტუმრო „ბილტმორში" ევროკავშირისა და კონრად ადენაუერის ფონდის მხარდაჭერითა და საქართველოს სტრატეგიული კვლევებისა და განვითარების ცენტრის ორგანიზებით პროექტის „სამოქალაქო საზოგადოების განვითარების ინიციატივა" ფარგლებში გაიმართა.

მოკლე მისალმებაში, ეკონომიკისა და მდგრადი განვითარების მინისტრის პირველმა მოადგილემ დიდი მნიშვნელობა მიანიჭა სოციალური პასუხისმგებლობის კომპონენტს თანამედროვე ბიზნეს-პროცესებში. „ჩვენ არჩევანი ევროპულ ფასეულობებზე გავაკეთეთ, რაც, თავის მხრივ, ასევე ნიშნავს ბიზნეს ურთიერთობებში თანამედროვე დასავლური სტანდარტების დამკვიდრებას, მათ შორის, სოციალური პასუხისმგებლობის მიმართულებით. მნიშვნელოვანია, რომ წელს „მელიორას" კონკურსში გაცილებით მეტი პროექტი მონაწილეობდა, რაც ნიშნავს იმას, რომ საქართველოში კორპორაციული სოციალური პასუხისმგებლობის იდეა უფრო და უფრო პოპულარული ხდება. მისასალმებელია, რომ კომპანიები ცდილობენ, საკუთარ საქმიანობაში აღნიშნული პრინციპები აქტიურად დანერგონ," - განაცხადა ეკატერინე მიქაბაძემ.

"მელიორას" დაჯილდოება წელს მეორედ ჩატარდა. ჟიურიმ, რომლის შემადგენლობაშიც ქართველ სპეციალისტებთან ერთად უცხოელი ექსპერტებიც იყვნენ, გამარჯვებულები და რჩეული კომპანიები 10 კატეგორიაში გამოავლინა. მათ შორის, ისეთი მიმართულებებით, როგორიცაა „მწვანე ინიციატივა", „საზოგადოების მხარდაჭერა", „პასუხისმგებელი დამსაქმებელი", სექტორთა პასუხისმგებლობა - გაზიარებული პასუხისმგებლობა", „ნარჩენების მართვაზე ორიენტირებული ინიციატივა", „წლის პასუხისმგებელი მცირე, საშუალო და მსხვილი ბიზნესი" და სხვ.

დაჯილდოებას საქართველოში აკრედიტებული დიპლომატიური კორპუსის, სამთავრობო და ბიზნეს წრეების, აგრეთვე სამოქალაქო სექტორის წარმომადგენლები დაესწრნენ.

ავტორი: NS (სტატია დაფინანსებულია),

სოციალური ქსელები

კობახიძე - არ შეიძლება სერიოზული კომენტარები ვაკეთოთ ბატონი გვარამიას განცხადებებზე, ეს არის ისტერიული მცდელობა, რომ საკუთარი ცოდვები გადაფარონ

კობახიძე საკონსტიტუციო სასამართლოში მიმდინარე პროცესზე - არის მარტივი, მშრალი პოლიტიკური განცხადებები, თუმცა ვერაფერს უპირისპირებენ იმ დასაბუთებულ სარჩელს

თიბისი საერთაშორისო STEM ოლიმპიადების მთავარი მხარდამჭერია

ვაშლიჯვარში კლდე ცამოიშალა და სახლი მოიყოლა- ერთი ადამიანი დაშავდა