სლოვენიის რესპუბლიკის დანიშნულმა ელჩმა საქართველოში (რეზიდენციით კიევი) ტომაჟ მენცინმა რწმუნებათა სიგელების ასლები გადასცა საქართველოს საგარეო საქმეთა მინისტრის მოადგილეს ხათუნა თოთლაძეს.

ცერემონიის დასრულების შემდეგ გაიმართა გაცნობითი შეხვედრა. ხათუნა თოთლაძემ ელჩს ახალ თანამდებობაზე დანიშვნა მიულოცა და საქმიანობაში წარმატებები უსურვა.

მხარეებმა განიხილეს საქართველოსა და სლოვენიას შორის ორმხრივი და მრავალმხრივი ურთიერთობების მნიშვნელოვანი თემები. ყურადღება გამახვილდა ორ ქვეყანას შორის მაღალი დონის ვიზიტების გაცვლის და საგარეო საქმეთა სამინისტროებს შორის პოლიტიკური კონსულტაციების რეგულარულად გამართვის მნიშვნელობაზე. ხაზი გაუსვეს ბიზნეს ფორუმის ჩატარებისა და ეკონომიკური ურთიერთობების განვითარების აუცილებლობას.

ხათუნა თოთლაძემ ელჩს მადლობა გადაუხადა საერთაშორისო ორგანიზაციებში ფარგლებში საქართველოს მიერ ინიცირებული რეზოლუციების მხარდაჭერისთვის, საქართველოში ევროკავშირის სადამკვირვებლო მისიაში სლოვენიელი მონიტორის ხელახლა დანიშვნისთვის, სლოვენიის მთავრობის მიერ საქართველოს უსაფრთხო ქვეყნების სიაში შეყვანისთვის. თავის მხრივ, ტომაჟ მენცინმა დააფიქსირა საქართველოს სუვერენიტეტის, ტერიტორიული მთლიანობის, საქართველოს ევროპულ და ევროატლანტიკურ სტრუქტურებში ინტეგრაციის მხარდაჭერა.

შეხვედრაზე საქართველოს საგარეო საქმეთა მინისტრის მოადგილემ ელჩს მიაწოდა ინფორმაცია საქართველოს ოკუპირებულ ტერიტორიებზე არსებული ვითარების შესახებ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან