„ადრე მარტივი სიტყვით მივმართავდით ხელისუფლებას - „გადადექი“, დღეს კი ოპოზიცია გაერთიანებულია ბევრად უფრო მნიშველოვანი პოლიტიკური მიზნისკენ - არა „გადადექი“, არამედ მომეცი სამართლიანი თამაშის უფლება“, - ამის შესახებ საქართველოს მეოთხე პრეზიდენტმა, გიორგი მარგველაშვილმა ქვეყანაში მიმდინარე პოლიტიკურ პროცესებთან დაკავშირებით განაცხადა.

როგორც მან აღნიშნა, დარწმუნებულია, რომ ხელისუფლებაში მყოფი ადამიანები გაიაზრებენ იმ სირთულეებს, რომლის წინაშეც დგანან.

„მე ვუყურებ, როგორი ორგანიზებულია ოპოზიცია, რამდენად გაზრდილია ჩვენი ოპოზიციური სპექტრი, რომელმაც შეძლო ერთ ოთახში ორგანიზებულად მუშაობა კონკრეტული მიზნისთვის, სამართლიანი არჩევნებისთვის. სულ ოპოზიციაში ვიყავით და სულ რაღაცას ვითხოვდით, მაგრამ როგორ ვითხოვდით - „გადადექი“, რომელიც იყო ერთი მარტივი სიტყვა, რითაც მივმრთავდით ხელისუფლებას. დღეს ოპოზიცია არის გაერთიანებული ბევრად უფრო მნიშველოვანი პოლიტიკური მიზნისკენ - არა „გადადექი“, არამედ მომეცი სამართლიანი თამაშის უფლება. დეპუტატების ამბოხიდან დაწყებული, გაგრძელებული ჩვენი ინტელექტისთვის შეურაცხმყოფელი სპექტაკლებით ეს არის დროებითი. ორგანიზებული, კვალიფიცირებული ოპოზიცია სერიოზულად მუშაობს და მე დარწმუნებული ვარ, რომ ხელისუფლებაში მყოფი ადამიანები, გაიაზრებენ იმ სირთულეებს, რომლის წინაშეც დგანან. აქედან არსებობს ერთი გამოსავალი, შეურაცხმყოფელი ტყუილი, რომელიც დაიდო პროპორციულზე უარის თქმით, ჩვენ ამ ტყუილში ვერ ვიცხოვრებთ. ეს შეიცვლება“, - განაცხადა საქართველოს მეოთხე პრეზიდენტმა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან