„შეხვედრა მისასალმებელია, როგორც ხელისუფლების მხრიდან, ასევე ოპოზიციის იმ წარმომადგენლების მხრიდანაც, რომლებიც გარკვეულ კრიტიას გამოხატავენ და აქციებს აწყობენ“, - ასე გამოეხმაურა დედაქალაქის მერი კახა კალაძე პარლამენტის ყოფილი თავმჯდომარის ირაკლი კობახიძის განცხადებას, რომლის თანახმადაც, დიპლომატიური კორპუსის ინიციატივით, ხვალ ხელისუფლება და ოპოზიცია ერთმანეთს შეხვდება.

კალაძის თქმით, კონსტიტუციის ცვლილების გარეშე „გერმანულ მოდელზე“ გადასვლა შეუძლებელია და შეხვედრაზე, შესაძლოა რაღაც საკითხებე შეთანხმება მოხდეს.

„მე კონსტიტუციონალისტი არ ვარ და გამიჭირდება სიღრმეებში შევიდე, თუმცა, რასაც ვისმენდი იყო ის, რომ კონსტიტუციის ცვლილების გარეშე შეუძლებელია „გერმანულ მოდელზე“ გადასვლა. ალბათ, ხვალ ამაზე იქნება მსჯელობა, იქნება ახსნა-განმარტებები. თუმცა დეტალები არ ვიცი. შეიძლება მოხდეს შეთანხმება რაღაც საკითხებზე, თუმცა ის რომ შეხვედრა ხდება ეს არის მისასალმებელი, როგორც ხელისუფლების მხრიდან, ასევე ოპოზიციის იმ წარმომადგენლების მხრიდან, რომლებიც გარკვეულ კრიტიას გამოხატავენ და აქციებს აწყობენ”,- განაცხადა კალაძემ.

ჟურნალისტის კითხვაზე, თუ როგორ წარმოუდგენია მას აქციების პარალელურ რეჟიმში მუშაობა, კალაძემ განაცხადა, რომ პოლიტიკური პროცესები უნდა მიმდინარეობდეს პარლამენტში.

„პოლიტიკის კეთება უნდა მიმდინარეობდეს პარლამენტში. ხელისუფლება, მთავრობა, ადგილობრივი ხელისუფლება - არ ვჩერდებით, ვაკეთებთ ჩვენი ქვეყნისთვის და მოქალაქეებისთვის საჭირბოროტო და მნიშვნელოვანი პრობლემების მოგვარებისთვის პროექტებს და ეს არ უნდა შეჩერდეს, პირიქით, უნდა გავაძლიეროთ მუშაობა. ბევრია პრობლემა, ბევრია გამოწვევა. რადგან მე დედაქალაქის მერი ვარ, ამ შემთხვევაში ვისაუბრებ თბილისზე - ყველაფერს გავაკეთებ ჩემს თანაგუნდელებთან ერთად, რომ ღირსეულად გადავლახოთ ის გამოწვევები, რომლებიც აწუხებს თბილისს”, - აღნიშნა დედაქალაქის მერმა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან