„ჩვენ ვფიქრობთ, რომ დროა, მხარეებმა ნაკლები ისაუბრონ ერთმანეთზე და უფრო მეტი ესაუბრონ ერთმანეთს“, - ამის შესახებ საქართველოში ევროკავშირის ელჩმა კარლ ჰარცელმა განაცხადა.

როგორც მან აღნიშნა, მისასალმებელია, რომ ხვალ ხელისუფლებისა და ოპოზიციის წარმომადგენლებს შორის დიალოგი შედგება.

„როგორც ჩანს, ხვალ დიალოგი შედგება. გვჯერა, არსებობს ამის გადაუდებელი საჭიროება. ჩვენ მხარს ვუჭერთ ამ ფორმატს. როგორც  ვიცით, ხვალინდელი დღის წესრიგის მიხედვით, განხილული იქნება გერმანული მოდელი და სხვა საკითხები, რომლებიც საარჩევნო სისტემას უკავშირდება. გარდა ამისა, ველოდებით უფრო ფართო დისკუსიას არსებულ პოლიტიკურ ვითარებაზე. კარგია, რომ როგორც იქნა, ვმოძრაობთ პირდაპირი დიალოგის მიმართულებით. ჩვენ მოგვიწევს ქმედითი და ამავე დროს წარმომადგენლობითი ფორმატის მოძიება“, - განაცხადა ჰარცელმა.

მისივე თქმით, დემონსტრანტებს საკუთარი აზრის გამოხატვის სრული უფლება აქვთ, თუმცე ეს კანონის და კონსტიტუციის ფარგლებს არ უნდა გაცდეს.

„სრულად ვუჭერთ მხარს დემონსტრანტების უფლებას ისარგებლონ სიტყვის და გამოხატვის თავისუფლების უფლებით. ასევე მიგვაჩნია, აზრის გამოხატვა უნდა იყოს კანონიერად და კონსტიტუციურ ჩარჩოებში. ეს რჩება ევროკავშირის პრინციპულ პოზიციად“, – განაცხადა კარლ ჰარცელმა.

შეგახსენებთ, დღეს საპარლამენტო უმრავლესობის წევრმა ირაკლი კობახიძემ განაცხადა, რომ დიპლომატიური კორპუსის ინიციატივით, ხვალ, დღის პირველ ნახევარში, ხელისუფლებისა და ოპოზიციის შეხვედრა გაიმართება.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან