შუახევის მერი ფრიდონ ფუტკარაძე საკრებულოს თავმჯდომარე გიორგი დავითაძესთან და სხვა ხელმძღვანელ პირებთან ერთად ოლადაურის ადმინისტრაციულ ერთეულში იმყოფებოდა.

ადგილზე გაეცნო ოლადაურში, მაწყვალთაში, კარაპეტისა და მახალაკიძეებში არსებულ ვითარებას და ადგილობრივებს, გაწეული საქმიანობის ანგარიშთან ერთად, 2020 წელში განსახორციელებელი პროექტები და პროგრამები გააცნო.

მერის განცხადებით, პრიორიტეტად კვლავ რჩება ინფრასტრუქტურა, ჯანდაცვის პროგრამები, კულტურული, სპორტული, ახალგაზრული ღონისძიებები, სოფლის მეურნეობისა და ტურიზმის მიმართულებები.

,,ჩვენ მაქსიმალურად შევეცადეთ ის პრობლემატური საკითხები, რომლებიც ღია ფორმატის შეხვედრების დროს გამოიკვეთა და ძირითადად ინფრასტრუქტურას უკავშირდებოდა, მაქსიმალურად აგვესახა 2020 წლის ბიუჯეტში. ჩვენი მიზანია თანდათანობით მოგვარდეს, მოწესრიგდეს სოფლებში ინფრასტრუქტურა და ადგილობრივებს გქონდეთ ცხოვრების ნორმალური პირობები, ვიდრე დღეს არის. განვითარდეს სოფლის მეურნეობა, ტურიზმი და სოფელმა ნახოს მეტი სარგებელი. მინდა აქვე დავაანონსო მაწყვალთისა და კარაპეტის სოფლების ცენტრების კეთილმოწყობა, რომლის პროექტის შესყიდვაზე ტენდერი გამოცხადებულია და სამუშაოები 2020 წლის გაზაფხულიდან დაიწყება. ამ მიმართულებით მერია მომავალ წელს 300 000 ლარამდე დახარჯავს. ეტაპობრივად მოწესრიგდება, როგორც ადმინისტრაციული ასევე, სოფლის ცენტრები“, - აღნიშნა ფრიდონ ფუტკარაძემ.

დღესვე, ფრიდონ ფუტკარაძემ აღნიშნულ სოფლებში, მიმდინარე და დასრულებული ინფრასტრუქტურული პროექტები დაათვალიერა. ოლადაურის ადმინისტრაციული ცენტრის კეთილმოწყობითი სამუშაოების ფარგლებში შესრულებულ სამუშაოებზე მან შენიშნვები გამოთქვა და მერიის შესაბამის სამსახურებს დაავალა, შემსრულებელმა კომპანიამ არსებული ხარვეზი, საგარანტიო ვადებით ნაკისრი ვალდებულებების ფარგლებში, დროულად აღმოფხვრას.

(NS)

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები