„რასაკვირველია, ნებისმიერი რადიკალიზაცია,  დესტაბილიზაციის მცდელობა  არის ნეგატიური ჩვენი ეკონომიკისთვის", - განაცხადა ეკონომიკისა და მდგრადი განვითარების მინისტრმა ჟურნალისტის კითხვის პასუხად, თუ როგორ აისახება მიმდინარე საპროტესტო აქციები ქვეყნის ეკონომიკაზე.

ნათია თურნავას თქმით, მნიშვნელოვანია, რომ არსებული ფონი ბიზნესზე არ აისახოს. „ახლა ჩვენი, განსაკუთრებით ეკონომიკური ბლოკის მინისტრების და მათ შორის ჩემი მთავარი საზრუნავია,  ამ ფონის მიუხედავად, ბიზნესი, ინვესტორები არ დავაფრთხოთ და ყველანაირი შესაძლებლობა მივცეთ, რომ ეკონომიკა კვლავ იმ ტემპით განვითარდეს, როგორც აქამდე ვითარდებოდა", - აღნიშნა ეკონომიკის მინისტრმა.

ამასთან, ნათია თურნავას თქმით, საპროტესტო გამოსვლები სრულიად დემოკრატიული პროცესია, თუ ისინი კანონის ჩარჩოს არ სცდება და მათი მიზანი სახელმწიფო სტურქტურების პარალიზება  არ არის.

 „რაც შეეხება არაკანონიერ გამოვლინებებს, რომლებიც მიმართულია ჩვენი მუშაობის ხელის შეშლისკენ და სახელმწიფო უწყებების, სტრუქტურების პარალიზებისა და საბოტაჟისკენ, ამას ძალიან ადეკვატური პასუხი ეცემა სრულიად ცივილიზებული სახით. არ მგონია, რომელიმე განვითარებულ სახელმწიფოში რაიმე სხვა რეაქცია ჰქონოდეს ხელისუფლებას ამაზე", - განაცხადა ეკონომიკისა და მდგრადი განვითარების მინისტრმა.

(NS)

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო