სასჯელაღსრულებისა და პრობაციის მინისტრმა გიორგი მღებრიშვილმა  ახალი დასავლური სტანდარტების შესაბამისი საბადრაგო სამსახურის  ავტოპარკი და ოფისი გახსნა.

უწყების ინფორმაციით, ავტოპარკში განთავსებული მანქანები კატეგორიების მიხედვითაა დიფერენცირებული და განკუთვნილია არასრულწლოვანი, ქალი და ყველა რისკის სრულწლოვანი მამაკაცი მსჯავრდებულებისათვის. აქვეა, თანამედროვე სტანდარტების რეანომობილები, რომლებიც სამედიცინო დაწესებულებებში მსჯავრდებულების დროულ და უსაფრთხო გადაყვანას უზრუნველყოფენ.

აღსანიშნავია, რომ მაღალი რისკის პატიმრებისთვის განკუთვნილი ავტომობილები  ანტივანდალური საკნებითა და შესაბამისად,  თვითდაზიანების პრევენციის მექანიზმითაა აღჭურვილი.  

 გიორგი მღებრიშვილის განმარტებით,  ახლადშეძენილი მსჯავრდებულთა გადასაყვანი  სატრანსპორტო საშუალებები სრულად შეესაბამება დასავლურ სტანდარტებს და  ადამიანის უფლებების  დაცვით,  მათ უსაფრთხო გადაადგილებას უზრუნველყოფს.

„რეფორმის ფარგლებში ჩვენ ვქმნით შესაბამის გარემოს  იმისთვის, რომ მსჯავრდებულმაც ღირსეულ პირობებში მოიხადოს სასჯელი და თანამშრომელსაც მიეცეს იმის საშუალება, რომ ეფექტურად და წარმატებით შეძლოს თავისი მოვალეობის შესრულება. სწორედ ამ მიზნებს ემსახურება საბადრაგო სამმართველოს ახალაშენებული შენობა და განახლებული, ევროპული სტანდარტების ავტოპარკი. ჩვენ უარს ვამბობთ ყველაფერ საბჭოურსა და მოძველებულზე, სამუდამოდ გავაჩერეთ ის ავტომანქანები, რომლებიც  წამებასთან და არაადამიანურ მოპყრობასთან ასოცირდება, რომლებითაც 20 პატიმრის ნაცვლად, 50 გადაჰყავდათ. ახლადშეძენილი ავტომობილები სრულად შეესაბამება დასავლურ სტანდარტებს და მსჯავრდებულების უსაფრთხო, ადამიანის უფლებების სრული დაცვით გადაადგილებას უზრუნველყოფს. განახლებულია საბადრაგო სამმართველოს პირადი შემადგენლობის ფორმები და აღჭურვილობაც“, -  განაცხადა გიორგი მღებრიშვილმა.

 მინისტრმა ჟურნალისტებს ავტომობილები  პირადად დაათვალიერებინა და  მათ ახალი საბადრაგო სატრანსპორტო საშუალებების დანიშნულება  და ფუნქციები დეტალურად განუმარტა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა