საზოგადოებრივი მოძრაობა „ლელო“ საქართველოს მთავრობას, საერთაშორისო საზოგადოებას, მეგობარ ქვეყნებს და დიპლომატიურ მისიებს საქართველოში, მოუწოდებს გადადგან ქმედითი ნაბიჯები საოკუპაციო რეჟიმის ტყვეობიდან ვაჟა გაფრინდაშვილის გასათავისუფლებლად.

აღნიშნულის შესახებ განცხადებას მოძრაობა „ლელო“ მათივე ფეისბუქ გვერდზე აქვეყნებს.

როგორც განცხადებაში წერია, საქართველოს ხელისუფლება ვერ ქმნის უსაფრთხოების ადეკვატურ მექანიზმებს, მუდმივად ცდილობს ფაქტების მიჩუმათებას და საზოგადოებაში უსუსურობისა და „დამარცხებულობის“ განცდის დანერგვას.

„9 ნოემბერს საოკუპაციო ხაზთან, პროფესიული მოვალეობის შესრულებისას, ოკუპანტებმა დააკავეს ექიმი ვაჟა გაფრინდაშვილი.

აღნიშნული ფაქტით დაირღვა საყოველთაოდ აღიარებული პრინციპი პროფესიული მოვალეობის შესრულებისას ექიმის ხელშეუხებლობის შესახებ. საოკუპაციო ხაზთან ვაჟა გაფრინდაშვილის მისვლის მიზანი იყო ახალგორში მცხოვრები 67 წლის თამარ გიგაურისთვის სამედიცინო დახმარების აღმოჩენა.

სამწუხაროდ, ადამიანების გატაცებამ საოკუპაციო ხაზის მიმდებარე ტერიტორიიდან რეგულარული სახე მიიღო. საქართველოს ხელისუფლება ვერ ქმნის უსაფთხოების ადეკვატურ მექანიზმებს, მუდმივად ცდილობს ფაქტების მიჩუმათებას და საზოგადოებაში უსუსურობისა და „დამარცხებულობის“ განცდის დანერგვას. რომ არა ვაჟა გაფრინდაშვილის ავტორიტეტი, გატაცების ფაქტი მორიგ გაუხმაურებელ მოვლენად დარჩებოდა.

მოვუწოდებთ საქართველოს მთავრობას, საერთაშორისო საზოგადოებას, მეგობარ ქვეყნებს, დიპლომატიურ მისიებს საქართველოში, გადადგან ქმედითი ნაბიჯები საოკუპაციო რეჟიმის ტყვეობიდან ვაჟა გაფრინდაშვილის გასათავისუფლებლად.

არ დაგვავიწყდეს, რომ საქართველოს თითოეული მოქალაქე საქართველოა!“, - წერია განცხადებაში.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“