ოპოზიციური პარტიების ლიდერები დროებითი მთავრობის მიერ არჩევნების ე.წ. გერმანული მოდელით ჩატარებას ითხოვენ.

ამის შესახებ „ლეიბორისტული პარტიის“ ოფისში გამართული შეხვედრის შემდეგ გახდა ცნობილი.

როგორც „ევროპული საქართველოს“ ერთ-ერთმა ლიდერმა გიგა ბოკერიამ განაცხადა, ეს მოდელი პროპორციული არჩევნების ჩასატარებლად ყველაზე სწრაფი გზაა.

„ოპოზიციის გაერთიანება და გზავნილი არის იმაზე, რომ უნდა იყოს ვადამდელი პროპორციული არჩევნები. ნებისმიერი გზა, რომელიც აქამდე მიგვიყვანს, არის მისაღები მთელი სპექტრისთვის. თუმცა, როც გვეკითხებიან, სწრაფად როგორ შეიძლება გაკეთდესო, ყველაზე სწრაფი გზა არის 76 ხმით ე.წ. გერმანული მოდელი, სადაც მაჟორიტარები არსებობენ, მაგრამ ჯამში ყველა პარტია იმდენ ადგილს იღებს, რამდენ ხმასაც მიიღებს მთელ ქვეყანაში. ამიტომ ბუნებრივია, ამ პარტიებისთვის ნებისმიერი გზა, რომელიც მოგვიტანს ვადამდელ პროპორციულ არჩევნებს, არის მისაღები და გერმანული მოდელი არის ყველაზე სწრაფი გზა ამისთვის. თან კიდევ უფრო შიშვლდება ივანიშვილის უტიფარი სიცრუეა. ხომ დადგა სპექტაკლი, რომ მაჟორიტარები აუჯანყდნენ თურმე და ვერ შეაგროვა ხმების საჭირო რაოდენობა, ახლა ჭირდება 30-35 ხმა, დანარჩენი ოპოზიციას აქვს და სამ კვირაში შეიძლება დამთავრდეს ეს ყველაფერი. მე არ ვამბობ, რომ ის ამას იზავს. ეს ყველაფერი მან ჩაშალა იმიტომ, რომ ეშინია პროპორციული არჩევნების, მაგრამ საზოგადოების ამოცანაა, მას დავანახოთ, რომ შეუძლებელია ეს ასე გაუვიდეს“, - განაცხადა გიგა ბოკერიამ.

„ახალი საქართველოს“ თავმჯდომარის გიორგი ვაშაძის თქმით, ოპოზიცია დღეს ისეთი ერთიანია, როგორიც არასდროს.

„ჩვენ გვაქვს კონკრეტული მოთხოვნები - ვადამდელი არჩევნები პროპორციული წესით, გერმანული მოდელი გვაძლევს პირდაპირ ამის მექანიზმს და ახლა ვეღარაფერს მოიგონებს ბიძინა ივანიშვილი. საკითხი, რაც ძალიან მნიშვნელოვანია, ეს არის ვადამდელი არჩევნები და ახალი მთავრობა, ტექნიკური მთავრობა. იმიტომ, რომ გახარიას და ივანიშვილს აქვთ ნულოვანი ნდობა, აბსოლუტური უმრავლესობა უჭერს მხარს გერმანულ მოდელს. ეს არ არის მარტივი ბრძოლა, მაგრამ აუცილებლად გავიმარჯვებთ“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“