აჭარის ავტონომიური რესუბლიკის საზოგადოებრივი ჯანდაცვის ცენტრის ბონიფიკატორები უკვე მეორე კვირაა სანაპირო ზოლის საცხოვრებელი სახლების პირველ სართულებსა და სარდაფებს სპეციალური ხსნარით ამუშავებენ.

აჭარის ჯანდაცვის სამინისტროს ინფორმაციით, ამ დროისათვის სპეციალისტების მიერ დამუშავებულია 170 000 კვ.მ ტერიტორია. მზიანი ამინდების შემთხვევაში სამუშაოების პირველი ეტაპი კიდევ ორ კვირას გაგრძელდება. ტერიტორიების ხელახალი დამუშავება სექტემბერში განახლდება.

აჭარის ავტონომიური რესპუბლიკის ტერიტორიაზე კოღოებისა და ტრანსმისიული დაავადებების სხვა გადამტანების გასანადგურებლად სპეციალური ღონისძიებები საქართველოს მთავრობის N1000 განკარგულების -,,საქართველოს შავიზღვისპირა საკურორტო ზონაში ტრანსმისიული დაავადებების გადამტანებთან ბრძოლის ღონისძიებების გატარების თაობაზე“ ფარგლებში მიმდინარეობს.

მავნებელი მწერების გასანადგურებლად სსიპ დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ აჭარის ა/რ საზოგადოებრივი ჯანდაცვის ცენტრს გამოეცა სადეზინსექციო სშუალება – 350 კგ სოლფაკი, რომლის ფარგლებში ორჯერადად უნდა დამუშავდეს რეგიონის ტერიტორიაზე 350 000 კვ.მ მუდმივი საცხოვრებელი სახლების ფართები. დასამუშავებელი ფართი ქალაქ ბათუმსა და ხელვაჩაურის მუნიციპალიტეტში 250 000 კვ.მ–ია, ხოლო ქობულეთის მუნიციპალიტეტში 100 000 კვ.მ.

ღონისძიების განსახორციელებლად აჭარის ავტონომიური რესპუბლიკის მთავრობის თავმჯდომარის N214 ბრძანების საფუძველზე, აჭარის ა/რ საზოგადოებრივი ჯანდაცვის ცენტრს აჭარის ავტონომიური რესპუბლიკის ბიუჯეტის სარეზერვო ფონდიდან გამოეყო 11 200 ლარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა