„მოსახლეობის ინდივიდუალური სამედიცინო დახმარების“ პროგრამით, აჭარის ა/რ ჯანმრთელობისა და სოციალური დაცვის სამინისტრომ ონკოლოგიური დაავადებების მქონე 315 პაციენტს ძვირადღირებული მედიკამენტოზური მკურნალობა დაუფინანსა.

სამინისტროს ინფორმაციით, აღნიშნული პაციენტების ტარგენტული, იმუნოთერაპიული და ბისფოსფონატების ჯგუფის მედიკამენტებით უზრუნველყოფისათვის პროგრამის ბიუჯეტიდან 220 107 ლარი გამოიყო.

პაციენტების მკურნალობის მიმდინარეობის პროცესს დღეს მინისტრის პირველი მოადგილე ლევან გორგილაძე და ჯანმრთელობის დაცვის დეპარტამენტის უფროსი მანანა ფაღავა გაეცნენ.

სამინისტრომ „მოსახლეობის ინდივიდუალური სამედიცინო დახმარების“ პროგრამის ფარგლებში ონკოლოგიური პაციენტების ძვირადღირებული მედიკამენტებით მკურნალობის დაფინანსება 2015 წელს დაიწყო. აღნიშნული სამედიცინო მომსახურება არ ფინანსდებოდა სხვა სახელმწიფო პროგრამით, რაც დაავადებულთათვის მნიშვნელოვან პრობლემას წარმოადგენდა.

სამინისტრო თითოეულ პაციენტს მკურნალობას უფინანსებს სამედიცინო დაწესებულებიდან წარმოდგენილი ანგარიშ–ფაქტურის მიხედვით პროგრამით გათვალისწინებული პროპორციების დაცვით არაუმეტეს 5000 ლარისა, წლიური ლიმიტი კი შეადგენს 10 000 ლარს.

აღნიშნული პროგრამით სამინისტრო ონკოლოგიური დაავადებების მქონე ბენეფიციარებს ასევე, უფინანსებს მკურნალობას რადიოქტიური იოდით და საყოველთაო ჯანდაცვის სახელმწიფო პროგრამის მინიმალური პაკეტის მოსარგებლეებს პროგრამით გათვალისწინებულ სხვა სამედიცინო მომსახურებას. კერძოდ, ოპერაციულ მკურნალობას, ქიმიოთერაპიულ-სხივურ მკურნალობას და ა.შ.

„მოსახლეობის ინდივიდუალური სამედიცინო დახმარების“ პროგრამის ბიუჯეტი 1,315,000 ლარით განისაზღვრება. პოგრამა 2015 წლის ბოლომდე გარძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საკონსტიტუციო სასამართლოს წინ ხალხი იკრიბება, ადგილზე მობილიზებულია პოლიცია

Porsche Mission S - სპორტული ავტომობილის ახლებური გააზრება

ქვეყნის მასშტაბით სამართალდამცველებმა ნარკოდანაშაულის ბრალდებით 142 პირი დააკავეს, მათ შორის ნარკორეალიზაციაში სხვადასხვა ფორმით ჩართული 62 პირია

აქტივისტმა თამარ ლორთქიფანიძემ საპატიმრო დატოვა