„სოციალური მოდელის პილოტირება აჭარის რეგიონში“ - პროექტის ფარგლებში, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროში გაიმართა სამუშაო შეხვედრა აჭარაში მოქმედი სამედიცინო დაწესებულებების, საქართველოს ოკუპირებული ტერიტორიებიდან დევნილთა, ჯანმრთელობის, შრომის და სოციალური დაცვის სამინისტროს, გაეროს ბავშვთა ფონდსა და საქართველოს სოციალურ მუშაკთა ასოციაციას შორის.

საქართველოს სოციალურ მუშაკთა ასოციაცია, გაეროს ბავშვთა ფონდთან ერთად იუსაიდისა და ევროკავშირის მხარდაჭერით ახორციელებს სოციალური მოდელის პილოტს აჭარის რეგიონში. პილოტის პროცესში აჭარაში მოქმედი შეზღუდული შესაძლებლობის სტატუსის განმსაზღვრელი 6 სამედიცინო დაწესებულებაა ჩართული. თითოეული დაწესებულებიდან პროექტში მონაწილეობს 1 ექიმი.

პროექტის ფარგლებში ხდება შეზღუდული შესაძლებლობის მქონე პირის სტატუსის მქონე ადამიანის ან მაძიებელი პირის სოციალური საჭიროების და ფუნქციონირების შეფასება - სოციალური მოდელის მიხედვით. მსგავსი შეფასება ადგენს როგორ უშლის ხელს პირს ფუქნციონირებაში საკუთარი დიაგნოზი.

პილოტი 2019 წლის 8 აპრილს დაიწყო. პროექტის მხარდამჭერია საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტრო. პროექტის პარტნიორია აჭარის ჯანმრთელობისა და სოციალური დაცვის სამინისტრო.

(NS)

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები