ე.წ. სამხრეთ ოსეთის დე-ფაქტო პარლამენტის თავმჯდომარე ალან თადთაევი ჯავის რაიონის სოფელ სინაგურში ჩავიდა, სადაც სოფლის მახლობლად ქართული პოლიციის საგუშაგოს მშენებლობა მიმდინარეობს, - ამის შესახებ "სპუტნიკ ოსეტია" იუწყება. 

მედია საშუალების ინფორმაცით, ე.წ. თავმჯდომარე ადგილზე შექმნილ ვითარებას გაეცნო. მასთან ერთად სოფელში დე-ფაქტო პარლამენტარებიც ჩავიდნენ. 

"დღეს დილით მივიღეთ შეტყობინება ადგილობრივი მოსახლეობისგან, რომ სოფლის შემოგარენში საქართველოს პოლიციის პოსტის მოსაწყობად სამუშაოები მიმდინარეობს. პარლამენტარებმა გადაწყვიტეს, რომ დრო არ დაეკარგათ და ჩავიდნენ სოფელში. თან გაიყოლეს რუკები, რათა დაედგინათ, ვის ტერიტორიაზე ხორციელდება მშენებლობა. ადგილზე ჩასვლის შემდეგ, გაირკვა, რომ ქართული საგუშაგო, საქართველოს ხელისუფლების მიერ კონტროლირებად ტერიტორიაზე შენდება, თუმცა აღმაშფოთებელია, რომ ეს ჩვენი საზღვრიდან 50-70 მეტრში ხდება", - განაცხადა ე.წ. პარლამენტის პრესსპიკერმა.  

გარდა ამისა, ე.წ. სამხრეთ ოსეთის დე-ფაქტო ხელისუფლების КГБ აცხადება, რომ საქართველოს ხელისუფლება გეგმავს გზის მონაკვეთის კაპიტალურ რემონტს, რომელიც საგუშაგოს სოფელ პერევთან დააკავშირებს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები