სოფელ ჩორჩანასთან ქართული პოლიციის სტანდარტული პოსტი საქართველოს ხელისუფლების მიერ კონტროლირებად ტერიტორიაზეა განთავსებული, რაც შეეხება საოკუპაციო ძალებს, ისინი საოკუპაციო ხაზს მიღმა დგანან, - ამის შესახებ სახელმწიფო უსაფრთოხოების სამსახურის ანალიტიკური დეპარტამენტის უფროსმა ირაკლი ანთაძემ ჟურნალისტებ განუცხადა.

როგორც სუს-ის წარმომადგენელმა აღნიშნა, საოკუპაციო ხაზის ცნება პირობითია და ამით განისაზღვრება ტერიტორია, სადაც დროებით არ ვრცელდება საქართველოს ცენტრალური ხელისუფლების იურისდიქცია.

„სოფელ ჩორჩანასთან ქართული პოლიციის სტანდარტული პოსტი განთავსებულია საქართველოს ხელისუფლების მიერ კონტროლირებად ტერიტორიაზე და მის სიღრმეში. რაც შეეხება საოკუპაციო ძალებს, ისინი დგანან საოკუპაციო ხაზს მიღმა. მინდა კიდევ ერთხელ განვაცხადო, რომ საოკუპაციო ხაზის ცნება არის პირობითი ცნება. ამით განისაზღვრება ტერიტორია, სადაც ჩვენ ვახორციელებთ კონტროლს და ტერიტორია, სადაც დროებით არ ვრცელდება საქართველოს ცენტრალური ხელისუფლების იურისდიქცია. მაგრამ ეს არის მხოლოდ დროებითი“, - აღნიშნა ანთაძემ.

ცნობისთვის, ერგნეთში ინციდენტების პრევენციისა და მათზე რეაგირების მექანიზმის ფარგლებში მორიგი შეხვედრა ჩაიშალა. შეხვედრაზე ველა იმ ინციდენტზე უნდა ესაუბრათ, რაც ბოლო შეხვედრის შემდეგ კონფლიქტის ზონაში მოხდა. განსახილველ საკითხებს შორის იყო უკანონო ბორდერიზაცია გუგუტიანთკარში, ერედვში საოკუპაციო ძალების მიერ განდევნილი მოსახლეობის სახლების დანგრევის და საოკუპაციო ხაზის გასწვრივ, საქართველოს მოქალაქეების დაკავების ფაქტები. ასევე, არჩილ ტატუნაშვილის წამებისა და მკვლელობის ფაქტი. ირაკლი ანთაძის განმარტებით, ოსურმა მხარემ მოითხოვა, ქართულ მხარეს ე.წ. სასაზღვრო ტერიტორიიდან გაეყვანა შეიარაღებული ფორმირებები და შეეწყვიტა უკანონო მშენებლობა. გარდა ამისა, ცენტრალური ხელისუფლების მიერ გაჟღერებული კონსტრუქციული შეთავაზებები არ იქნა გაზიარებული საოკუპაციო რეჟიმის წარმომადგენლების მიერ. მისივე მტკიცებით, ცხინვალის წარმომადგენლებმა, საოკუპაციო ძალების მხარდაჭერით დაიჭირეს უკიდურესად დექსტრუქციული პოზიცია და შეხვედრა დატოვეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში