2019-07-31 19:26:04, 1471 ნახვა

---

შსს-მ ბათუმის უნივერსიტეტში ნაღმის არსებობის შესახებ შეტყობინებასთან დაკავშირებით, გამოძიება დაიწყო

შინაგან საქმეთა სამინისტრომ ბათუმის შოთა რუსთაველის სახელმწიფო უნივერსიტეტში შესულ შეტყობინებასთან დაკავშირებით, რომ უნივერსიტეტის შენობაში ნაღმია, გამოძიება დაიწყო.

როგორც „ექსპრესნიუსს“ უწყების პრესსამსახურში განუცხადეს, გამოძიება სსკ-ის 323-ე მუხლის პირველი პრიმა ნაწილით მიმდინარეობს, რაც ტერორისტული აქტის მუქარას გულისხმობს.

„ბათუმის უნივერსიტეტიდან შეტყობინების საფუძველზე ადგილზე სამართალდამცველები მუშაობენ. უნივერსიტეტში არ მიმდინარეობს სასწავლო პროცესი, უსაფრთხოების ზომებიდან გამომდინარე შენობაში მყოფმა რამდენიმე ადამიანმა დატოვა უკვე უნივერსიტეტის შენობა“, - აცხადებენ შსს-ში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი