მორის მაჩალიკაშვილისა და ბეჟან ლორთქიფანიძის ადვოკატებმა  თბილისის საქალაქო სასამართლოს გადაწყვეტილება, რომლითაც მათი დაცვის ქვეშ მყოფებს წინასწარი პატიმრობა შეეფარდათ,  სააპელაციო სასამართლოში გაასაჩივრეს.

ადვოკატები გადაწყვეტილების გაუქმებას ითხოვენ.

„ჩვენ ვასაჩივრებთ მოსამართლე ჩახნაშვილის მიღებულ უსამართლო, უკანონო და დაუსაბუთებელ განჩინებას. არ არსებობს არც ფორმალური და არც ფაქტობრივი საფუძველი იმისა, რომ ბეჟან ლორთქიფანიძეს შეეფარდოს ყველაზე მძიმე აღკვეთის ღონისძიების სახე -  პატიმრობა. ამიტომ, ვასაჩივრებთ ამ გადაწყვეტილებას, რომ სააპელაციო სასამართლომ იმსჯელოს, გააუქმოს ის, როგორც დაუსაბუთებელი და უკანონო. პოლიტიკური ვითარებიდან გამომდინარე, ამის მოლოდინი ნაკლებად გვაქვს, მაგრამ ჩვენ ყველა სამართლებრივ გზას გავივლით იმისთვის, რომ დავამტკიცოთ ჩვენი სიმართლე“, - განუცხადა "რუსთავი 2"-ს ბეჟან ლორთქიფანიძის ადვოკატმა გიორგი გელხაურმა.

ბიოლოგი, ბეჟან ლორთქიფანიძე და მალხაზ მაჩალიკაშვილის ძმისშვილი, მორის მაჩალიკაშვილი 20 ივნისის აქციის დროს ჩადენილი ჯგუფური ძალადობის ორგანიზების მუხლით დააკავეს.

თბილისის საქალაქო სასამართლომ ორივეს წინასწარი ორთვიანი პატიმრობა შეუფარდა.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა