"თანასწორობის მოძრაობის" ინფორმააციით, პირი, რომელიც ლგბტ ადამიანის დაშანტაჟებას ცდილობდა, დააკავეს.

როგორც ორგანიზაციაში აცხადებენ, მათ ლგბტ თემის ერთ-ერთმა წევრმა მომართა, რომელსაც მისი ნაცნობი სექსუალური ორიენტაციის შესახებ ინფორმაციის გასაჯაროებით აშანტაჟებდა.

"იქედან გამომდინარე, რომ ჩვენი დაცვის ქვეშ მყოფი საკუთარი ორიენტაციის შესახებ საჯაროდ არ საუბრობდა, ამ ინფორმაციის გასაჯაროება მის უსაფრთხოებას ეჭვის ქვეშ დააყენებდა.

დაზარალებულს ბრალდებულმა 2019 წლის 12 ივლისს მოსთხოვა, რომ მის ანგარიშზე 1000 ლარი ჩაერიცხა. დაზარალებულმა თანხის ნაწილი, 500 ლარი გადაურიცხა 12 ივლისს, ხოლო დანარჩენი თანხა უნდა გადაერიცხა 13 ივლისს საღამომდე.

“თანასწორობის მოძრაობამ” მიმართა პოლიციას და ოპერატიული ღონისძიებების შედეგად ბრალდებული დააკავეს. პოლიციამ გამოძიება სისხლის სამართლის კოდექსის 181-ე მუხლის პირველი ნაწილის დარღვევის მუხლით დაიწყო. აღნიშნული მუხლის დარღვევა ისჯება ჯარიმით, ან ორიდან 4 წლამდე თავისუფლების აღკვეთით.

ბრალდებულს, სასამართლომ აღკვეთის ღონისძიების სახით 6 000 ლარიანი გირაო შეუფარდა", - ნათქვამია "თანასწორობის მოძრაობის" მიერ გავრცელებულ ინფორმაციაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა