„შეკითხვის სულისკვეთება იყო ერთი, გეგმავდით თუ არა სახელმწიფო გადატრიალებას? რაზეც პასუხი არის, რომ ამაზე უფრო  აბსურდულის მოგონება არის შეუძლებელი“, - ამის შესახებ გაერთიანებული ოპოზიციის ერთ-ერთმა ლიდერმა გრიგოლ ვაშაძემ თბილსის საქალაქო სასამრთლოდან გამოკითხვიდან გამოსვლის შემდეგ განუცხადა.

ვაშაძემ მაგსიტრი მოსამართლის თანდასწრებით მისი გამოითხვის დეტალებზე ისაუბრა.

„ძალიან კორექტული საუბარი იყო, მაგრამ გამოძიებას ცდილობს ყველანაირად, ყველა ხერხით, ყველა შეკითხვით, ყველა დაზუსტებით საქმე წაიყვანოს იქით, იყო თუ არა ადამიანების ჯგუფის შეთანხმება-შეთქმულება სახელმწიფო გადატრიალების მცდელობაზე ძალადობრივი გზით. წუთი-წუთზე მოვუყევი ყველაფერი დღის თორმეტი საათიდან დაწყებული. ამაზე ანეგდოტური მცდელობა არ არსებობს დედამიწის ზურგზე, იმიტომ, რომ ვინც შვიდი საათის შემდეგ მიკროფონის გარშემო ვიყავით, დაახლოებით სხვა და სხვა დროს, მე მაგალითად სამ საათამდე ვიყავი პარლამენტში და დანარჩენები პარლამენტის შენობაში იყვნენ, ზოგიერთი თერთმეტის ნახევრამდე, როგორც მაგალითად, ბატონი ნიკანორ მელია, რომელიც  საქართველოს პარლამენტის დეპუტატი გამოაძევეს პარლამენტის სხდომის დარბაზიდან. ამისთანა რაღაცა არც გამიგია არსად. დეტალურად შეკითხვების ჩამოთვლას ნუ მომთხოვთ, იმიტომ, რომ არაფერი მნიშვნელობა  არ აქვს. შეკითხვების სულისკვეთება, შეკითხვების მზიანი, შეკითხვების არსებობის აზრი იყო მხოლოდ და მხოლოდ იყო მხოლოდ ერთი, გეგმავდით თუ არა სახელმწიფო გადატრიალებას? რაზეც პასუხი არის, რომ ამაზე უფრო  აბსურდულის მოგონება არის შეუძლებელი“, - განაცხადა გრიგოლ ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა