კომპანია „ავიატორი +“-ის დირექტორის მოადგილე, გიორგი მოლოდინაშვილის განცხადებით, ყაზბეგში მომხდარ ავიაკატასტროფასთან დაკავშირებით, როს შედეგადაც 3 ადამინი დაიღუპა, სპეკულაციები უნდა დასრულდეს.

როგორც კომპანია „ავიატორი +“-ის დირექტორის მოადგილემ დღეს გამართულ ბრიფინგზე  კომპანია დამოუკიდებლად ახორციელებს ფაქტების მოკვლევას, რათა დაჩქარდეს ტრაგედიის გამომწვევი მიზეზების დადგენა.

მოლოდინაშვილმა განმარტა, რომ ვერტმფრენი  ტექნიკურად გამარული იყო და კითხვის ნიშნის ქვეშ არც პილოტის კვალიფიკაცია დგას.

„ბოლო დღეების განმავლობაში, ყაზბეგში მომხდარ ავიაკატასტროფასთან დაკავშირებით, ძალიან ბევრი დეზინფორამცია გავრცელდა, რაზეც მინდა ჩვენი მოსაზრება გაგანდოთ. ასეთ ტრაგიკულ შემთხვევებთან დაკავშირებით, არ უნდა გავაკეთოთ ზედმეტი და წინასწარი დასკვნები და სათუთად უნდა მოვეკიდოთ, თუნდაც მათ ოჯახებს, ვინც გარდაიცვალა ამ შემთხვევის დროს. გავრცელდა რამდენიმე აბსურდული ინფორმაცია და ჩვენ საჭიროდ მივიჩნევთ, რომ მოგახსენოთ ის, რაც არის რეალობა. გაცხადდა რომ ვერტმფრენს არ ჰქონდა გარკვეული აღჭურვიილობები, აქ იყო შავ ყუთზე საუბარი. შავი ყუთი ამ კლასის ვერტმფრენისთვის არ არის განსაზღვრული და არც უნდა ჰქონოდა, რაც შეეხება, სხვა ტექნოლოგიებს ვერტმფრენი იყო უმაღლესი კლასის. რაც შეეხება, ტექდათვალიერებას და მის ტექნიკურ გამართულობას, მინდა მოგახსენოთ, რომ ვერტმფრენმა გაიარა დათვალიერება 2019 წლის 22 მაისს და ამის დამადასტურებელი დოკუმენტი თან მაქვს.  ეს ჩატარდა ლიცენზირებული, მაღალი დონის კომპანიის მიერ, რომელსაც ზედამხედველობას უწევდა ჩვენი კონტრაქტორი „ბელ პრაღა“ და ამ მთელი პროცესის ზედამხედველობას „სამოქალაქო ავიაციის სააგენტო“, რომელიც რეგუალარულად ატარებდა შემოწმებებს. ასევე იყო დეზინფორმაცია, რომ  მესამე ადამიანი, სასტუმროს თანამშრომელი, რომელიც იმყოფებოდა ბორტზე, ის არ უნდა ყოფილიყო ბორტზე და იყო წონის დაბალანსების გამო ამ ბორტზე. პირველ რიგში, მინდა ერთმნიშვნელოვნად ვთქვა, ამ ბორტზე, ეს ადამიანი თავისი სურვილით იმყოფებოდა და პილოტის თანხმობით ცხადია. ამ ვერტმფრენით დაფრინავდა ყველა თანამშრომელი, მათ შორის მეც და მფლობელიც. შესაბამისად, სპეკულაცია უნდა დასრულდეს და უნდა გავუწიოთ ანგარიში გარდაცვლილთა ოჯახებს და არ უნდა მივაწოდოთ მათ არასწორი ინფორმაცია.

რაც შეეხება პილოტს, ის იყო უმაღლესი კლასის პილოტი, მაღალი გამოცდილების ადამიანი, რომლის დაკარგვაც ჩვენთვის ძალიან დიდი ტრაგედიაა. ის გადამზადებული იყო აშშ-ში, ავტორიზირებულ სასწავლებელში“, - აღნიშნა მოლოდინაშვილმა.

კომპანია თავის მხრივ დამოუკიდებლად ახორციელებს ფაქტების მოკვლევას საგამოძიებო ორგანოებთან კოორდინაციით, რათა დაჩქარდეს ტრაგედიის გამომწვევი მიზეზების დადგენა.

„კომპანია აქტიურ კომუნიკაციაშია მწარმოებელთან და იგეგმება მათი წარმომადგენლების ვიზიტი უახლოეს მომავალში“, - განაცხადა მან.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“