არაჰუმანური პოსტის გამოქვეყნების გამო, ნანა კოსტავა გენდერული საბჭოდანაც გარიცხეს

2019-05-31 12:12:24, 1058 ნახვა

საზოგადოება

ქუთაისის საკრებულოს დეპუტატი ნანა კოსტავა არაეთიკური პოსტის გამო, გენდერული საბჭოდან გარიცხეს.

შესაბამისი გადაწყვეტილება გენდერული საბჭოს თავმჯდომარემ ირაკლი შენგელიამ ცოტა ხნის წინ მიიღო. ნანა კოსტავას გარიცხვას მხარი ყველა წევრმა დაუჭირა. მის ადგილს ანა შალიაკინი დაიკავებს.

ცნობისთვის, ქუთაისის საკრებულოს გადაწყვეტილებით "ქართული ოცნების" დეპუტატი ნანა კოსტავა ფრაქციის თანამდებობიდან დღეს გადააყენეს, თუმცა ის საკრებულოს წევრის თანამდებობას მაინც იკავებს.

შეგახსენებთ, რომ ნანა კოსტავას გადადგომის მოტხოვნით, გუშინ ქუთაისის მერიასთან აქცია გაიმართა. მოქალაქეებში პოლიტიკოსის მიერ გაჟღერებულმა არაეთიკურმა და არაჰუმანურმა პოსტმა გაღიზიანება გამოიწვია.

დეტალური ინფორმაცია წაიკითხეთ აქ.