ბათუმიდან ჩამოსული ელექტრომობილების მძღოლები მთავრობის ადმინისტრაციასთან აქციას მართავენ.

მძღოლები ბათუმის ბულვარში ელექტრომობილებით გადაადგილების აკრძალვის რეგულაციებით ჩანაცვლებას ითხოვენ. აქციის მონაწილეების თქმით, ბათუმის ბულვარში ტურისტების ელექტრომობილებით მომსახურება მათი შემოსავლის ერთადერთი წყარო იყო.

„აჭარის მთავრობას არ შეუძლია ჩვენი პრობლემა გადაწყვიტოს. ერთპიროვნულად გადაწყვიტეს, აგვიკრძალეს, არ გაითვალისწინეს ჩვენი მდგომარეობა, ჩვენი ოჯახურ, სამსახურეობრივი მდგომარეობა. სხვა სამსახური, სხვა შემოსავალი თითქმის არცერთს არ აქვს, ამათზე ვართ დამოკიდებული“, - აცხადებს აქციის ერთ-ერთი მონაწილე გიორგი ჩხაიძე.

აქციის მონაწილე მძღოლები შეზღუდვის 1 წლით გადადებას ითხოვენ. ისინი მზად არიან სხვადასხვა რეგულაციები დაიცვან: შეამცირონ სიჩქარე, არ გააქირავონ ტრანსპორტი არასრულწოვნებზე, ელექტრომობილების რაოდენობა შეამცირონ და სხვა.

ბულვარში ელექტრომობილებით გადაადგილება ბათუმის საკრებულოს 5 მარტის გადაწყვეტილებით აიკრძალა, რომელიც ძალაში 1-ელ მაისს შევა. შეზღუდვა  ბულვარის ადმინისტრაციის მოთხოვნის საფუძველზე, უბედური შემთხვევების სიმრავლის გამო  მიიღეს.

ავტორი: ექსპრესნიუსი,

სოციალური ქსელები

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა

პოლონეთის შს მინისტრმა განაცხადა, რომ კრაკოვში მასობრივი სროლაში ეჭვმიტანილს რადიკალური მემერჯვენე შეხედულებები აქვს

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა