2019-04-15 14:45:36, 1451 ნახვა
საზოგადოება
„აეროპორტების გაერთიანებამ“ მესტიის მიმართულებით დამატებითი ავიარეისი დანიშნა
ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანება" აღდგომის დღესასწაულთან დაკავშირებით, 2019 წლის 27 აპრილს ნატახტარი - მესტიისა და მესტია - ნატახტარის მიმართულებით დამატებით ავიარეისი დანიშნა.
შაბათს, ნატახტარის აეროპორტიდან მესტიის მიმართულებით დამატებითი ფრენა 10:00 საათზე შესრულდება, ხოლო მესტიიდან გამოფრენა 12:00 საათზე განხორციელდება.
ნატახტარის აეროპორტიდან მესტიის მიმართულებით და პირიქით, ფრენები კვირაში ოთხჯერ სრულდება.
ბილეთების შეძენა შესაძლებელია https://ticket.vanillasky.ge/
(NS)
ავტორი: ექსპრესნიუსი,
epn.ge (@expressnews.ge)
