ბათუმში 9 აპრილს გმირულად დაღუპულთა ხსოვნისა და დამოუკიდებლობის დღისადმი მიძღვნილი მემორიალი დაიდგა.

დღეს აჭარის მთავრობის, უმაღლესი საბჭოს,  ბათუმის მუნიციპალიტეტის წარმომადგენლები, საზოგადოების წევრები გმირთა ხეივანში შეიკრიბნენ, მემორიალი ყვავილებით შეამკეს და საქართველოს დამოუკიდებლობისთვის დაღუპულთა ხსოვნას წუთიერი დუმილით პატივი მიაგეს.

თორნიკე რიჟვაძემ სიტყვით მიმართა დამსწრე საზოგადოებას და ისაუბრა 9 აპრილის მნიშვნელობაზე. „დღეს 30 წელი შესრულდა 9 აპრილის ტრაგედიიდან. ამ დღეს თავისუფლებისა და საქართველოს დამოუკიდებლობისათვის ბრძოლას 21 გმირის სიცოცხლე შეეწირა. მინდა ქედი მოვიხარო ადამიანების წინაშე, რომლებმაც თავი შესწირეს ეროვნულ იდეალებს. ჩვენ და მომავალმა თაობებმა უპირობოდ პატივი უნდა ვცეთ ამ იდეალებს და ყველამ ერთად, ერთმანეთის გვერდში დგომით უნდა შევძლოთ ჩვენი ქვეყნის დეოკუპაცია. ბრძოლა თავისუფლებისთვის გრძელდება", - განაცხადა მთავრობის თავმჯდომარემ.

9 აპრილის მემორიალის ესკიზის ავტორი მოქანდაკე თეიმურაზ მახარაძეა.

დღესვე, გმირთა ხეივანში მოეწყო  30 წლის წინ, 9 აპრილს განვითარებული მოვლენების ამსახველი ფოტოგამოფენა.

(NS)

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება