2019-03-21 17:14:01, 1295 ნახვა
საზოგადოება
სოციალური მუშაკები 25 მარტს გაფიცვას აპირებენ
სოციალური მუშაკები 25 მარტიდან მთელი საქართველოს მასშტაბით გაიფიცებიან, - ამის შესახებ სოცმუშაკებმა ჯანდაცვის სამინისტროსთან გამართულ აქციაზე განაცხადეს.
სოციალურმა მუშაკებმა ჯანდაცვის სამინისტროში დღეს შესაბამისი განცხადება შეიტანეს.
„მედიაციის პროცესის უშედეგოდ დასრულების გამო და იმის გათვალისწინებით, რომ ჩვენ ამ დრომდე სამინისტროსა და სააგენტოს მხრიდან ვერ მივიღეთ ვერცერთი ადეკვატური და რეალისტური პირობა პრობლემის გადაწყვეტის თაობაზე, ჩვენ ვიყენებთ გაფიცვის კონსტიტუციურ უფლებას,“- განაცხადეს სოციალურმა მუშაკებმა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
