29-31 მარტს, “ღვინის ქარხანა” თბილისის ღამის ეკონომიკის განვითარების პროექტის  და “თბილისის სტარტაპ ბიუროს“ ორგანიზებით Night Lab-ის პირველი ღონისძიება (ჰაკათონი) გაიმართება.

Night Lab-ში მონაწილეობა შეუძლია ნებისმიერ მსურველს, ვისაც აქვს ინოვაციური და უნიკალური იდეა და სურვილი, საკუთარი იდეა რეალობად აქციოს.

Night Lab არის ინოვაციების ხელშემწყობი რეგულარული საჯარო ღონისძიებების სერია, რომლის ფარგლებშიც კრეატიული ადამიანები იკრიბებიან, ახდენენ პროდუქტის ან ბიზნეს მოდელის იდეების გენერირებას და ღონისძიების ფარგლებში მას აღასრულებენ ან გარკვეულ ეტაპამდე მიჰყავთ.

სერიის მიზანია, ღამის ეკონომიკის ჭრილში, მიკრო, მცირე და საშუალო ბიზნეს პროექტებისა და პროდუქტების განვითარება, ინოვაციური იდეების გენერირება და ხელშეწყობა.

შერჩეულ მონაწილეებს საშუალება ექნებათ 29-31 მარტს, 48 საათის განმავლობაში გუნდური მუშაობის შედეგად და კომპეტენტური მენტორების ზედამხედველობის პირობებში შექმნან  ციფრული სერვისები, პროდუქტის პროტოტიპები, აპლიკაცია/ვებგვერდები, მოწყობილობები  ან მონაცემების მოძიებისა და ვიზუალიზაციის საშუალებები, რომლებიც რელევანტური იქნება ღამის ეკონომიკის გაძლიერებისთვის.

პროექტებს შეაფასებს სპეციალურად შერჩეული კომპეტენტური ჟიური, რომელიც ყოველ ჯერზე დაკომპლექტდება 7  პროფესიონალით კრეატიული, ტექნოლოგიური და ბიზნეს სფეროებიდან.

გამარჯვებულ გუნდებს  წინასწარ გამოცხადებული ფულადი ჯილდო და სხვა პრიზები გადაეცემათ.

პროექტის პარტნიორები არიან: Orient Logic, Grant Thornton Georgia, Spark, Edison, Dunkin, Wendy's, და GITA. პროექტის მთავარი მედიაპარტნიორია 4U.ge

დამატებითი ინფორმაცია განთავსებულია თბილისის ღამის ეკონომიკის განვითარების პროექტისა და „თბილისის სტარტაპ ბიუროს“ Facebook გვერდებს.  

(NS)

ავტორი: ,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები