ტაქსის მძღოლებზე ავტომობილების გადაღებვისა და ქიმიური წმენდის ვაუჩერების გაცემა დაიწყო, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

როგორც მან აღნიშნა, მძღოლების ნაწილმა, ვისაც ლიცენზია გააჩნია და ვაუჩერი ეკუთვნის, შესაბამისი შეტყობინება უკვე მიიღო და ეს პროცესი გაგრძელდება.

„თქვენ იცით, რომ მარტიდან იწყება ტაქსების რეფორმის მნიშვნელოვანი ეტაპი. ეს არის მანქანების ვიზუალური სტანდარტიზაცია, რაც ძალიან მნიშვნელოვანია. პირველი მარტიდან მოხდება ორი სახის ვაუჩერის გაცემა: ერთი ვაუჩერი არის მანქანის გადაღებვის და მეორე ეს არის ინტერიერის ქიმიური წმენდის ვაუჩერი. იმ ტაქსის მძღოლებს, ვისაც ლიცენზია გააჩნიათ და ეკუთვნით ამ ვაუჩერის მიღება უკვე მიუვიდათ SMS-ები და ეს პროცესი გრძელდება, რადგან საკმაოდ დიდი რაოდენობაა. ყველას დაეგზავნება შეტყობინებები. მათთვის ცნობილია ყველა ის პროცედურა, რომელიც საჭიროა ვაუჩერის მისაღებად და ასევე ის, თუ როგორ ისარგებლებენ შემდეგში ამ ვაუჩერებით. ასევე, ვებგვერდზე - taxi.tbilisi.gov.ge შესაძლებელი იქნება ნებისმიერი პირისთვის, შევიდეს და მიიღოს დეტალური ინფორმაცია. ასე რომ, 2018 წლის 10 ოქტომბრის ჩათვლით რეგისტრირებული, მარცხენასაჭიანი, ხუთკარიანი ავტოსატრანსპორტო საშუალებები, რომელთაც გავლილი ექნებათ ტექნიკური დათვალიერება, მიმართავენ მითითებულ მისამართებს და მიიღებენ დასახელებულ ვაუჩერს“, - განაცხადა კახა კალაძემ. 

ავტორი: ,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა