ფინანსთა მინისტრი ივანე მაჭავარიანი ამერიკის შეერთებული შტატების ელჩის მოვალეობის შემსრულებელს, როს უილსონს შეხვდა. მხარეებმა განიხილეს ორ პარტნიორ სახელმწიფოს შორის თანამშრომლობის საკითხები. 

როგორც შეხვედრაზე აღინიშნა, მნიშვნელოვანია, რომ საქართველოსა და ამერიკის შეერთებულ შტატებს შორის სტრატეგიული პარტნიორობა, ასევე, აისახება ეკონომიკური მხარდაჭერის მასშტაბებზე. 
ივანე მაჭავარიანმა სტუმარს გააცნო ბიზნესგარემოს გაუმჯობესებისა და ადმინისტრირების გამარტივების მიზნით საგადასახადო და საბაჟო სფეროში დაგეგმილი რეფორმები.

როგორც ფინანსთა მინისტრმა განაცხადა, აღნიშნული ინიციატივები ხელს შეუწყობს, რაც შეიძლება მეტი ამერიკული და საერთაშორისო კომპანია დაინტერესდეს საქართველოში ინვესტირებით. 

მხარეებმა ყურადღება გაამახვილეს მხარდაჭერაზე, რომელსაც ამერიკის შეერთებული შტატები უწევს ფინანსთა სამინისტროს ფისკალური სამსახურების შესაძლებლობების გაძლიერების მიმართულებით.
ფინანსთა მინისტრმა სტუმარს მადლობა გადაუხადა იმ მხარდაჭერისთვის, რომელსაც აშშ-ის მთავრობა უწევს საქართველოს მთავრობას ზოგადი, პროფესიული და უმაღლესი განათლების სექტორის პროცესში და აღნიშნა, რომ განათლების სფერო მთავრობის ერთ-ერთი მნიშვნელოვანი პრიორიტეტია.
ამერიკის შეერთებული შტატების ელჩის მოვალეობის შემსრულებელმა გამოთქვა მზაობა, გააგრძელოს ძალისხმევა საქართველოსა და ამერიკის შეერთებულ შტატებს შორის თანამშრომლობის განმტკიცებისთვის.

(NS)

ავტორი: ,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო