ეკონომიკისა და მდგრადი განვითარების მინისტრის მოადგილემ, ეკატერინე მიქაბაძემ ოფიციალურად გახსნა შეხვედრა, რომელიც ეკონომიკური თანამშრომლობისა და განვითარების ორგანიზაციის (OECD) მიერ "საქართველოს საინვესტიციო პოლიტიკის მიმოხილვის" (Investment Policy Review (IPR) of Georgia) დაწყებას მიეძღვნა.

შეხვედრას ასევე დაესწრნენ საგარეო საქმეთა მინისტრის მოადგილე ალექსანდრე ხვთისიაშვილი და რეგიონული განვითარებისა და ინფრასტრუქტურის მინისტრის მოადგილე გრიგოლ კაცია, ეკონომიკისა და მდგრადი განვითარების სამინისტროს სსიპ „აწარმოე საქართველოში" დირექტორი მიხეილ ხიდურელი, სავაჭრო-სამრეწველო პალატის პრეზიდენტი ნინო ჩიქოვანი, აგრეთვე დიპლომატიური მისიების და საერთაშორისო დონორი ორგანიზაციების, აგრეთვე საქართველოს საჯარო სექტორის წარმომადგენლები.

ეკონომიკისა და მდგრადი განვითარების მინისტრის მოადგილის, ეკატერინე მიქაბაძის განცხადებით, საინვესტიციო პოლიტიკის მიზანია ქვეყანაში არსებული საინვესტიციო პოლიტიკის სრულფასოვანი შესწავლა. მისი თქმით, რეფორმები, რომლებიც უკვე გატარდა, ერთმნიშვნელოვნად ხელს უწყობს ქვეყანაში მიმზიდველი საინვესტიციო და ბიზნეს კლიმატის შექმნას, თუმცა ყოველთვის არის შესაძლებლობა მნიშვნელოვნად განვითარდეს და გაუმჯობესდეს ეს გარემო.

კვლევას საქართველოს მთავრობის დაკვეთით,  ეკონომიკური თანამშრომლობისა და განვითარების ორგანიზაცია ჩაატარებს. მისი დასრულების შემდეგ, გამოიკვეთება რეფორმებისა და ღონისძიებების დამატებითი ჩამონათვალი, რაც საქართველოს საინვესტიციო კლიმატის გაუმჯობესებაში დაეხმარება.„კვლევა ჩვენ დაგვეხმარება, დამატებით მოვიზიდოთ ინვესტიციები და ამით გამოვიყენოთ შესაძლებლობა, გავხდეთ ერთ-ერთი ყველაზე კონკურენტული ეკონომიკა რეგიონში, რაც, საბოლოო ჯამში, აისახება როგორც ინკლუზიურ ზრდაზე, ასევე მოქალაქეთა კეთილდღეობაზე", - განაცხადა ეკატერინე მიქაბაძემ.

OECD-ის მიერ "საქართველოს საინვესტიციო პოლიტიკის მიმოხილვის" ჩატარების ძირითად ამოცანას წარმოადგენს საქართველოს ბიზნეს და საინვესტიციო გარემოს შესწავლა, ქვეყანაში განსახორციელებელი რეფორმების პრიორიტეტულობის განსაზღვრა და აღნიშნულის საფუძველზე საქართველოსთან მიმართებით საერთაშორისო საინვესტიციო საზოგადოების ცნობიერების ამაღლების ხელშეწყობა.

(NS)

ავტორი: ,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო