დიდუბესა და დიღომს ათი ფიტნეს ზონა შეემატება

2019-02-14 18:44:06, 1176 ნახვა

საზოგადოება

დიდუბის რაიონის გამგეობა ცხოვრების ჯანსაღი წესის პოპულარიზაციის მიზნით, დიდუბესა და დიღმის მასივში, ათ მისამართზე სავარჯიშო ტრენაჟორებს ამონტაჟებს.

ამ ეტაპზე, სამუშაოები ხუთ მისამართზე - დიღმის მასივის მეექვსე კვარტლის მესამე და მე-11 კორპუსებთან, ასევე, მეხუთე კვარტლის მე-11 კორპუსთან, მეოთხე კვარტლის მე-13 კორპუსთან და მესამე კვარტლის 31-ე კორპუსთან მიმდინარეობს.

პროექტის ფარგლებში, ფიტნეს ზონებზე კაუჩუკის საფარი დაიგება, გადაიხურება და მსურველებს ვარჯიშის შესაძლებლობა წლის ნებისმიერ დროს ექნება.

ფიტნეს ზონის მოწყობის სამუშაოებს შპს „გეო-გრინი“ უსაფრთხოების ზომების სრული დაცვით ახორციელებს.

აღნიშნული სამუშაოებისთვის გამგეობის ბიუჯეტიდან 181 434 ლარი გამოიყო.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები