მოჭიდავე ზურაბ დათუნაშვილი ადასტურებს, რომ მასსა და ჭიდაობის ფედერაციის პრეზიდენტს გეგა გეგეშიძეს შორის დაპირისპირება რამდენიმე თვის წინ დაიწყო.

როგორც დათუნაშვილმა აღნიშნა, დაპირისპირების მიზეზი ფედერაციის პრეზიდენტის მიერ ერთ-ერთი სპორტსმენის დაბლოკვის ხარჯზე, საკუთარი მოსწავლის დახმარება იყო.

სპორტსმენის თქმით, მან გამოძიებას სრულყოფილი ინფორმაცია მიაწოდა.

"ჩემო მოთხოვნა არ არის, რომ ვინმე დააკავონ. უბრალოდ გამოვიდა და ტყუილების თქმა დაიწყო. ხალხმა თვითონ შეაფასოს ეს ყველაფერი. ჩემი მოთხოვნაა, ამ ადამიანმა დატოვოს ფედერაციის პრეზიდენტის თანამდებობა, რადგან ამ პოსტის დაკავება მას არ ეკუთვნის. გამოძიებას ვენდობი და იმედი მაქვს, რომ ყველაფერს დროულად გამოიძიებენ", - განაცხადა ზურაბ დათუნაშვილმა.

ცნობისთვის, ზურაბ დათუნაშვილი თბილისის საქალაქო სასამართლოში გამოიკითხა. 

შეგახსენებთ, რომ ბერძნულ-რომაული სტილით მოჭიდავე ზურაბ დათუნაშვილმა facebook-ის საკუთარ გვერდზე გაავრცელა განცხადება, სადაც აღნიშნავს, რომ 11 იანვარს საქართველოს ჩემპიონატზე, ჭიდაობის ფედერაციის პრეზიდენტმა გეგა გეგეშიძემ, მას თავში რკინის ბლაგვი საგანი ჩაარტყა. შსს-ში გამოძიება სისხლის სამართლის კოდექსის 126-ე მუხლით, რაც ძალადობას გულისხმობს.

ავტორი: ,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა