„ბატონმა ვანო ზარდიაშვილმა კეთილი უნდა ინებოს და ბოდიში მოიხადოს, როგორც „ბახალას“ წინაშე, აქვე მისი ოჯახის, მეგობრების, ახლობლების წინაშე“, - ამის შესახებ მსახიობ გიორგი გიორგანაშვილის ადვოკატმა, გიორგი მახარაძემ ჟურნალისტებს განუცხადა.

როგორც ადვოკატმა აღნიშნა, სასამართლომ მიიღო სწორი გადაწყვეტილება და ამასთან, იმ ბრალდებაზეც, რაზეც გიორგანაშვილი ამჟამად სასჯელს იხდის, უსაფუძვლოა.

„წარდგენილ ბრალდებაში „ბახალა“ გამართლდა. პროკურატურა ედავებოდა განსაკუთრებით დიდი რაოდენობის ნარკოტიკული საშუალების შეძენა-შენახვასა და საქართველოში შემოტანას ორგანიზებული ჯგუფის მიერ. ამ საქმეში არცერთი მტკიცებულება არ იყო მითითებული, რომელიც დაადასტურებდა გიორგი გიორგანაშვილის რაიმენაირ შემხებლობას წარმოდგენილ ბრალდებასთან, შესაბამისად სასამართლომ მიიღო აბსოლუტურად ლეგიტიმური, კანონიერი და სამართლიანი გადაწყვეტილება. ერთის მხრივ ძალიან სასიხარულოა, რომ ქართულ სასამართლოში დარჩნენ მოსამართლეები, რომლებიც კანონის შესაბამისად იღებენ გადაწყვეტილებებს. რაც შეეხება, წინა საქმეს, იქაც იგივე პოზიცია გვაქვს, რომ გიორგი გიორგანაშვილს არც ის ქმედება აქვს ჩადენილი, რომლის გამოც სასჯელს იხდის დღეის მდგომარეობით, თუმცა ერთი-ორად სასიხარულოა დღევანდელი ფაქტიც, რომ ჩვენ ბოლოს და ბოლოს დავამტკიცეთ, რომ აღნიშნული ბრალდება იყო უსაფუძვლო და ამგვარ ფაქტებს ადგილი არ ჰქონიათ. მაინტერესებს რას იტყვის ბატონი ვანო ზარდიაშვილი, ის ამბობდა, რომ გიორგი გიორგანაშვილი ნარკოტიკების შემომტანი და გამსაღებელია. ახლა, როგორც პოლიტიკოსმა, პარლამენტის წევრმა და ამ ქვეყნის მოსახლეობის წარმომადგენელმა საკანონმდებლო ორგანოში, კეთილი უნდა ინებოს და ბოდიში მოიხადოს, როგორც „ბახალას“ წინაშე, აქვე მისი ოჯახის, მეგობრების, ახლობლების წინაშე. ამის მოლოდინი მაქვს.იმედია, თავის თავს მაინც მიიჩნევს პასუხისმგებლიან პოლიტიკოსად და ამას გააკეთებს“, - განაცხადა ადვოკატმა.

ავტორი: ,

სოციალური ქსელები

კობახიძე - არ შეიძლება სერიოზული კომენტარები ვაკეთოთ ბატონი გვარამიას განცხადებებზე, ეს არის ისტერიული მცდელობა, რომ საკუთარი ცოდვები გადაფარონ

კობახიძე საკონსტიტუციო სასამართლოში მიმდინარე პროცესზე - არის მარტივი, მშრალი პოლიტიკური განცხადებები, თუმცა ვერაფერს უპირისპირებენ იმ დასაბუთებულ სარჩელს

თიბისი საერთაშორისო STEM ოლიმპიადების მთავარი მხარდამჭერია

ვაშლიჯვარში კლდე ცამოიშალა და სახლი მოიყოლა- ერთი ადამიანი დაშავდა