„ვისოლ ჯგუფმა“ თბილისის ისტორიულ ცენტრში, ლესელიძის ქუჩის დასაწყისში, 54 ნომერში, ლეგენდარული ამერიკული ბრენდის, „დანკინის“ კიდევ ერთი რესტორანი გახსნა.

შესაბამისად, „ვისოლ ჯგუფo“ საქართველოში რესტორნების ყველაზე ფართო ქსელს ფლობს, რაც „ვენდისა“ და  „დანკინის“ ბრენდის ქვეშ მომუშავე 35 რესტორანს აერთიანებს.

„დანკინის“ გენერალური დირექტორის, გიორგი მშვილდაძის თქმით, „დანკინი“ უდაო ლიდერია საქართველოში ყავისა და ყავის პროდუქტების რესტორნების ინდუსტრიაში.

ამასთან,  როგორც მან განაცხადა, კომპანიის პოზიციები კიდევ უფრო გაძლიერდება რებრენდინგის შემდგომ, რომელიც ამჟამად მიმდინარეობს. კერძოდ, მთელ მსოფლიოში „დანკინ დონატსის“ რესტორნები მომავალში  „დანკინის“ ბრენდით იქნებიან წარმოდგენილები.

„ახალი „დანკინის“ რესტორანი  თავისი ერგონომიკით აბსოლუტურად განსხვავებულია „დანკინის“ ყველა  სხვა რესტორნისგან. დანკინის ამ რესტორნის შექმნა „ლოფტის“ სტილში გადაწყდა და ის მართლაც უნიკალური გამოვიდა. როგორც ამას „ლოფტის“ სტილი ითვალისწინებს, ამ რესტორანში ყველაფერი მოსახერხებელი, პრაქტიკული და ეფექტურია. „ლოფტი“ ამერიკული წარმომავლობისაა. მას ფაბრიკული ნაგებობებიდან, საწყობებიდან, სახელოსნოებიდან დაედო სათავე. ჩვენმა დიზაინერებმა თბილისის ამ ძველ უბანში საგანგებოდ გაასუფთავეს კედლები აგურის ფენამდე, რაც ვიზუალურად კვეთს სივრცეს და რესტორნის მოსაწყობად უმთავრესად ნატურალური მასალები გამოიყენეს. “დანკინის” ამ რესტორანში ნახატებიც განსაკუთრებულია და ისინი „დანკინის“ თემატიკაზეა სპეციალურად შექმნილი. რაც ყველაზე მთავარია, ძალზედ სასიხარულოა, რომ პირველი წუთებიდანვე ამ რესტორანმა მიიპყრო როგორც ქართველი ასევე უცხოური ტურისტების ყურადღება.  რესტორანში სრულიად ოჯახური გარემოა შექმნილი“, - განაცხადა გიორგი მშვილდაძემ.

გამორჩეული ხარისხის იტალიურ ესპრესოზე დამზადებული 20-ზე მეტი სახეობის ცივი და ცხელი ყავის მოყვარულთათვის „დანკინი“ შეუცვლელი თავშეყრის ადგილი გახდა. ყავის პროდუქტების გარდა, „დანკინის“ რესტორნებში წარმოდგენილია 20-ზე მეტი სხვადასხვა სახეობის სენდვიჩი, ქართული საცხობის პროდუქტები, საუზმე გრანოლათი და სხვა. კომპანიის ბრუნვის 25% კი ყოველდღიურად ახალ, მრავალფეროვან დონატებსა და ფრანგულ ფუნთუშეულზე მოდის, რომლებიც თბილისში არსებულ დონატების ქარხანაში იწარმოება და დღეში ორჯერ მიეწოდება „დანკინის“ რესტორნებს.

 „ვენდის“ რესტორნებისთვის კი „მეტი ქართული პროდუქტის“ ინიციატივის ფარგლებში 2017 წლიდან პური, საქონლისა და ფრინველის ხორცი საქართველოში მზადდება.

ავტორი: ,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა