„ქართული ოცნების“ წევრი ვიქტორ ჯაფარიძე ადასტურებს, რომ ციხეში ხორავას ქუჩის საქმეზე დაკავებულ მირზა სუბელიანთან იმყოფებოდა.

როგორც ჯაფარიძემ „TV პირველისთვის" მიცემულ სატელოფონო ინტერვიუში აღნიშნა, მინისტრებს მირზა სუბელიანის დანაბარები გადასცა.

"რამდენიმეჯერ ვიყავი შესული. პატიმრის დაჟინებული მოთხოვნით და ოჯახის თხოვნით, მასთან შევედი ციხეში. მე ვარ პარლამენტის წევრი, ვარ სვანი, ვიცნობთ ერთმანეთს და ამიტომ მთხოვეს რომ შევსულიყავი. მოითხოვა და რა უფლება მქონდა რომ არ შევსულიყავი. გიორგი გახარიას და სხვა მინისტრებს, ვხვდები როგორც პარლამენტის წევრი, მიწევს. მინისტრებს მირზას დანაბარები გადავეცი, რამე შეღავათს ითხოვდა, რომ ბევრი დამსახურება მაქვს და გაუბედურებული ვარო. არასერიოზულად მივიჩნიე მირზას ნასაუბრები, მასზე რეაგირება არ გამიკეთებია, არასერიოზულად მივიღე. ეგ არის საინტერესო, როგორ მოხდა რომ პარლამენტის წევრი ციხეში შევედი და ეს ჩაიწერეს", - განაცხადა ვიქტორ ჯაფარიძემ.

შეგახსენებთ, რომ „რუსთავი 2“-მა, აუდიოჩანაწერი, რომელშიც სავარაუდოდ, მირზა სუბელიანის საუბარია ასახული, გუშინ გაავრცელა.  ჩანაწერების მიხედვით, სუბელიანთან საკანში იმყოფებიან „ქართული ოცნების“ დეპუტატი მესტიიდან, ვიქტორ ჯაფარიძე და ლტოლვილთა სამინისტროს ყოფილი მაღალჩინოსანი, გენერალური ინსპექციის ყოფილი თანამშრომელი და მირზა სუბელიანის მარჯვენა ხელი, დათო ცუხიშვილი. საუბარი თითქმის, საათნახევარი გრძელდება, საიდანაც ირკვევა, რომ მირზა სუბელიანი, ფაქტობრივად, საკუთარი ნებით ჩაჯდა ციხეში - ის გაურიგდა ხელისუფლებას. ვადაც კი წინასწარ არის შეთანხმებული, რამდენ ხანს უნდა დარჩეს ის პატიმრობაში, მაგრამ სუბელიანი უკმაყოფილებას გამოთქვამს მმართველი გუნდის დამოკიდებულებით, ის ამბობს, რომ ხელისუფლება ჯეროვნად ვერ აფასებს მის ერთგულებას, ვინაიდან მან იმდენი რამ იცის, რომ საკმარისია ერთი ან ორი ფაქტი გაასაჯაროვოს, რომ რუსთაველის გამზირი გადაიჭედება და „ქართული ოცნება“ ხელისუფლებაში აღარ იქნება.

ავტორი: ,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო