ლას ვეგასის პოლიციამ პორტუგალიელი ფეხბურთელის კრიშტიანო რონალდოს წინააღმდეგ საქმის გამოძიება განაახლაб - ამის შესახებ The New York Times იუწყება. 

მედია საშუალების ინფორმაციით, საქმე ეხება 2009 წლის 13 ივნისის ინციდენტს, რომელიც ლას ვეგასში მდებარე სასტუმრო Palms Place-ში მოხდა. კერძოდ, 34 წლის ამერიკელი კეტრინ მაიორგა ამბობს, რომ რონალდომ ის გააუპატიურა. მისივე თქმით, ის ფეხბურთელს ერთ-ერთ ღამის კლუბში შეხვდა, რის შემდეგაც მან ქალი საკუთარ ნომერში დაპატიჟა. 

ადვოკატი აცხადებს, რომ მისი დაცვის ქვეშ მყოფმა 2009 წელს ძალადობის ფაქტზე პოლიციას მიმართა და სამედიცინო შემოწმებაც გაიარა, თუმცა არ უთქვამს ვინ იყო მოძალადე. 2018 წლის სექტემბერში მან საქმის ხელახალი გამოძიების დაწყება მოინდომა. 

გერმანულ გამოცემა Spiegel-ისთვის მიცემულ ინტერვიუში მაიორგამ აღნიშნა, რომ ფეხბურთელმა მას დუმილის სანაცვლოდ 375 000 დოლარი გადაუხადა. 

თავად რონალდუ ბრალს უარყოფს და ამბობს, რომ ყველაფერი ორმხრივი შეთანხმებით მოხდა და მაიორგას სურს, რომ მისი დახმარებით ცნობილი გახდეს. მან მედიაში გავრცელებულ ინფორმაციას ფიქცია უწოდა. 
 

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ