კატალონიის დამოუკიდებლობის მხარდამჭერებმა საავტომობილო და სარკინიგზო მაგისტრალები გადაკეტეს

2018-10-01 13:44:37, 3089 ნახვა

მსოფლიო

კატალონიაში დამოუკიდებლობის მხარდამჭერმა აქტივისტებმა საავტომობილო და სარკინიგზო მაგისტრალები გადაკეტეს, - ამის შესახებ "რია ნოვოსტი" იუწყება.

მედია საშუალების ინფორმაციით, სეპარატისტული მოძრაობა „რესპუბლიკის დაცვის კომიტეტის“ წევრებმა ქალაქსი გზები გადაკეტეს, ასევე ბლოკირებულია სარკინიგზო სადგურები. ამასთან, მათ გადაკეტილი აქვთ საფრანგეთ-ესპანეთის დამაკავშირებელი ცენტრალური მაგისტრალი. აქციის მონაწილეებმა პროტესტის ნიშნად ქუჩებში სხვადასხვა ბანერები გააკრეს და ასევე ცენტრალური მთავრობის ადმინისტრაციის შენობიდან დროშა მოხსნეს.

ცნობისთვის, პირველ ოქტომბერს გამართული რეფერენდუმის მონაწილეთა უმრავლესობამ მხარი კატალონიის დამოუკიდებლობას დაუჭირა. ამის შემდეგ რეგიონულმა მთავრობამ კარლეს პუიჩდემონის ხელმძღვანელობით, დამოუკიდებლობის გამოცხადების პროცედურა დაიწყო. ესპანეთის ხელისუფლებამ რეფერენდუმი არალეგიტიმურად მიიჩნია და მისი შედეგები არ აღიარა. 2017 წლის ნოემბერში ესპანეთის ხელისუფლებამ კატალონიის ადმინისტრაცია დაითხოვა და რეგიონულ პარლამენტს უფლებამოსილება შეუწყვიტა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები