ამერიკელი სენატორები მიიჩნევენ, რომ რუსეთს ინტერპოლის ხაზით წითელი ცირკულარით ძებნის გამოცხადების მექანიზმის გამოყენება უნდა შეეზღუდოს, - ამის შესახებ კანონპროექტშია ნათქვამი, რომელიც რუსეთისთვის სანქციების გამკაცრებას ითვალისწინებს.  ინფორმაციას Tass წყაროზეე დაყრდნობით ავრცელებს.

როგორც კანონპროექტშია ნათქვამი, კონგრესმენების აზრით რუსეთი აღნიშნულ მექანიზმს ბოროტად იყენებს.

"რუსეთის ფედერაცია ბოროტად იყენებს წითელი ცირკულარების მექანიზმს ინტერპოლის ხაზით, რაც ძირითადად პოლიტიკური მოტივებით არის განპირობებული და პოლიტიკური ოპონენტების დევნას ემსახურება. აშშ-ის გენერალურმა პროკურატურმა, შიდა უსაფრთხოების მინისტრთან ერთად,  ინტერპოლში აშშ-ს გავლენა უნდა გამოიყენოს, რათა რუსეთს ინტერპოლის მექანიზმების გამოყენება შეეზღუდოს., მათ შორის წითელი ცირკულარის მექანიზმის გამოყენებაზე დროებითი აკრძალვის დაწესებაც", - ნათქვამია კანონპროექტში.

გარდა ამისა, სენატორები დარწმუნებულები არიან, რომ პირებს, რომლებსაც რუსეთი ინტერპოლის მექანიზმების მეშვეობით ეძებს, ამერიკის ტერიტორიაზე შესვლა არ უნდა შეეზღუდოთ. ასევე, ამ ადამიანებს პოლიტიკურ თავშესაფარზე უარი არ უნდა უთხრან.

ცნობისთვის, 2 აგვისტოს ამერიკელმა სენატორებმა კონგრესში კანონპროექტი შეიტანეს, რომელიც რუსეთის წინააღმდეგ სანქციების გამკაცრებას ითვალისწინებს. კანონპროექტის ავტორი დემოკრატი სენატორი რობერტ მენენდესია. სენატორები კანონპროექტს ახასიათებენ, როგორც "ყოვლისმომცველი კანონმდებლობა, რომელიც რუსეთზე სასანქციო ზეწოლას აძლიერებს".

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ