ფინეთის დედაქალაქ ჰელსინკიში აშშ-ის პრეზიდენტისა და რუსეთის ლიდერის შეხვედრა მიმდინარეობს, - ამის შესახებ "რია ნოვოსტი" იუწყება.

მედია საშუალების ინფორმაციით, ეს დონალდ ტრამპის და ვლადიმერ პუტინის პირველი დაგეგმილი, ოფიციალური შეხვედრაა. ორი ქვეყნის ლიდერი რუსულ-ამერიკულ ურთიერთობებზე, ასევე სირიის საკითხზე იმსჯელებს. აშშ-ის სახელმწიფო მდივნის მაიკ პომპეოს შეფასებით, აღნიშნული შეხვედრა ძალიან მნიშვნელოვანია და ის ამერიკის ინტერესებში შედის. 

ამასთან, შეხვედრის დაწყებამდე პუტინმა განაცხადა, რომ დადგა დრო საფუძლიანი საუბრებისთვის.

"ჩვენი კონტაქტი გრძელდება. ჩვენ ვსაუბრობთ ტელეფონით, რამდენჯერმე სევხვდით სხვადასხვა სამიტების ფარგლებში. დადგა დრო, რომ ორმხრივ ურთიერთობებში არსებულ პრობლემებზე ვისაუბროთ. საკმაოდ ბევრი პრობლემა გვაქვს და მათ ყურადღება უნდა მივაქციოთ", - განაცხადა პუტინმა.

თავის მხრივ ტრამპმა აღნიშნა, რომ მთელი მსოფლიო დაინტერესებულია, რომ მოკოვსა და ვაშინგტონს შორის კარგი ურთიერთობა იყოს. შეხვედრა 2 საათზე მეტხანს გაგრძელდება.

აღსანიშნავია, რომ პირველი ჰელსინკიში სწორედ თეთრი სახლის ლიდერი ჩავიდა, რომელიც ქვეყის პრეზიდენტს შეხვდა.

ცნობისთვის, პირველი შეხვედრა ტრამპსა და პუტინს შორის "დიდი 20"-ის სამიტის ფარგლებში შედგა, რომელიც 2017 წლის ზაფხულში გაიმართა.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ