ქვემო სამგორის სარწყავი სისტემის რეაბილიტაცია დასრულდა.

გარემოს დაცვისა და სოფლის მეურნეობის სამინისტროს ინფორმაციით, სამუშაოების ფარგლებში გაკეთდა  მარჯვენა მაგისტრალური არხის 24 -კილომეტრიანი მონაკვეთის ტრაპეციული კვეთის ტორკრეტირება. რემონტი ჩაუტარდა სხვადასხვა ჰიდროტექნიკურ ნაგებობას.

განხორციელებული პროექტის შედეგად, საგარეჯოს მუნიციპალიტეტის 9500 ჰექტარი სასოფლო-სამეურნეო მიწის ფართობზე გაუმჯობესდა სარწყავი წყლის მიწოდება.

შპს „საქართველოს მელიორაციის“ გენერალურმა დირექტორმა, არჩილ ბუკიამ, და მსოფლიო ბანკის სამხრეთ კავკასიის რეგიონალურმა დირექტორმა,  მერსი ტემბონმა, აღდგენილი საირიგაციო სისტემა დაათვალიერეს და ადგილობრივ ფერმერებს შეხვდნენ. ასევე იმყოფებოდნენ იმ ფართობებზე, რომლებიც რეაბილიტირებული სისტემიდან ირწყვება, მათ შორის  1300 ჰექტარზე გაშენებული ნუშის პლანტაციაში, სადაც წვეთური მორწყვის სისტემებია მოწყობილი.

სარწყავი სისტემის რეაბილიტაცია მსოფლიო ბანკის დაფინასნებით   "ირიგაციისა და მიწის ბაზრის განვითარების" პროექტის ფარგლებში განხორციელდა.

კახეთში "ირიგაციისა და მიწის ბაზრის განვითარების" პროექტის ხელმძღვანელი,  მსოფლიო ბანკის ადგილობრივი წარმომადგენელები და   ექსპერტებიც იმყოფებოდნენ. 

(NS)

ავტორი: ,

სოციალური ქსელები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს

პარტიების მოთხოვნა მოსამართლეების აცილებაზე საკონსტიტუციოს პლენუმმა არ დააკმაყოფილა