პარლამენტის პლენარულ სხდომაზე, საგზაო მოძრაობის უსაფრთხოებასთან დაკავშირებით, საპარლამენტო უმრავლესობის ლიდერმა არჩილ თალაკვაძემ განაცხადა, რომ საგზაო მოძრაობის უსაფრთხოების სფეროში  2017 წელს მიღებული საკანონმდებლო ცვლილებების შედეგად, ავტოსაგზაო შემთხვევები 12,4%-ით, ხოლო დაშავებულთა რაოდენობა 15%-ით შემცირდა.

როგორც დეპუტატმა აღნიშნა, ეს ხდება იმ ფონზე, როდესაც საქართველოში 2011 წლიდან 2016 წლამდე ავტომობილების რაოდენობა 33%-ით არის გაზრდილი.

 „საგზაო მოძრაობის უსაფრთხოება ეს არის ის თემა, სადაც, ბუნებრივია, როგორც მთავრობას, ასევე, პარლამენტს რეფორმების განხორციელების და უსაფრთხოების გაუმჯობესების ძალიან დიდი ინტერესი აქვს.  მინდა, ჩემს კოლეგებს კიდევ ერთხელ გითხრათ, რომ ჩვენ მიერ საგზაო მოძრაობის უსაფრთხოების სფეროში  2017 წელს მიღებული საკანონმდებლო ცვლილებების შედეგად, 12,4%-ით შემცირდა ჩვენს გზებზე ავტოსაგზაო შემთხვევების რაოდენობა, 15%-ით კი შემცირდა დაშავებულთა რაოდენობა და ეს ხდება იმ ფონზე, როდესაც საქართველოში 2011 წლიდან 2016 წლამდე ავტომობილების რაოდენობა 33%-ით არის გაზრდილი. შესაბამისად,  ავტომობილების რაოდენობა წლიურად, დაახლოებით, 8%-ით იზრდება.  ამ მზარდი ტენდენციის ფონზე, 2010 წლიდან დღემდე პირველად მოხდა, რომ ავტოსაგზაო შემთხვევების და დაშავებულთა რაოდენობის მაჩვენებლები შემცირდა. ეს მოხდა პირველად, მას შემდეგ, რაც ჩვენ დავამტკიცეთ საგზაო მოძრაობის უსაფრთხოების ცვლილებები. ასევე, უნდა გითხრათ კიდევ ერთი სიახლე - უახლოეს პერიოდში მართვის მოწმობის გამოცდა, პრაქტიკულად მზადება დასრულებულია, გადადის რეალურ მოძრაობაში, რაც მნიშვნელოვნად გააუმჯობესებს მართვის მოწმობის საიმედოობას“, - განაცხადა საპარლამენტო უმრავლესობის ლიდერმა არჩილ თალაკვაძემ.

ავტორი: ,

სოციალური ქსელები

სამხრეთ აფრიკაში საქართველოში ექსპორტისთვის განკუთვნილი ბაობაბების საქმეზე საქმე აღიძრა

ტაშკენტში საერთაშორისო ბიზნესგამოფენა "საქართველო – უზბეკეთი აბრეშუმის გზა" გაიმართა

თორნიკე რაზმაძე - 3 000 ლარით დამაჯარიმეს მარგარიტა სიმონიანის შეურაცხყოფის გამო

საქართველოს ბანკმა Global Finance-ის AI in Finance Awards-ის ფარგლებში ფინანსური ინკლუზიურობის ჯილდო მიიღო