ბათუმი "დიპლომატიური ტური 2015"– ის ფარგლებში 22 არარეზიდენტ ელჩს მასპინძლობს

2015-05-24 19:15:04, 376 ნახვა

პოლიტიკა

ბათუმი "დიპლომატიური ტური 2015"– ის ფარგლებში 22 არარეზიდენტ ელჩს მასპინძლობს.

ბათუმში სტუმრობის ფარგლებში დიპლომატები აჭარის კულტურულ და ისტორიულ ღირშესანიშნაობებს გაეცნობიან, მოინახულებენ გონიოს ციხეს, პიაცას მოედანს, ბათუმის ბოტანიკურ ბაღს.

უცხოელ დიპლომატებს აჭარის ავტონომიური რესპუბლიკის მთავრობის თავმჯდომარე მიესალმა, რის შემდეგაც საქართველოს ეკონომიკური, აგრარული და ტურისტული პოტენციალის შესახებ შესაბამისმა უწყებებმა პრეზენტაციები წარმოადგინეს.

„ბათუმის კონფერენცია“ აჭარის ავტონომიური რესპუბლიკის მთავრობის, საქართველოს ეკონომიკური და მდგრადი განვითარების სამინისტროს, საქართველოს კულტურისა და ძეგლთა დაცვის სამინისტროს, ასევე ტურიზმის ეროვნული ადმინისტრაციის ორგანიზებით გაიმართა.

დოპლომატები დღეს თბილისიდან ბათუმში მატარებლით ჩავიდნენ. უცხოელმა სტუმრებმა მოინახულეს აჭარის რეგიონისისტორიული და ინფრასტრუქტურული ნაწილი.

კონფერენციის დასრულების შემდგომ დიპლომატები მოინახულებენ სარფის საბაჟო გამშვებ პუნქტს და გაეცნობიან მისფუნქციონირებას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან