"ნაციონალური მოძრაობის" წევრი რომან გოცირიძე საპარლამენტო უმრავლესობას საყდრისის საკითხთან დაკავშირებით დროებითი საგამოძიებო კომისიის შექმნისკენ მოუწოდებს.

როგორც გოცირეძემ პლენარულ სხდომაზე სიტყვით გამოსვლისას აღნიშნა, საყდრისთან მიმართებაში დანაშაულებრივი ქმედებები გრძელდება. მან ხელისუფლება კორუფციაში დაადანაშაულა.

"საყდრისთან დაკავშირებით წინა მოწვევის პარლამენტში სამჯერ იყო მოთხოვნა, რომ შექმნილიყო დროებითი საგამოძიებო კომისია, თუმცა სამივეჯერ ეს მოთხოვნა უმრავლესობამ დააიგნორა. გრძელდება ის დანაშაულებრივი ქმედება საყდრისთან დაკავშირებით. არ გაიმეოროთ ჩვენი წინამორბედების შეცდომა. ვინ დაადო 16 ჰექტარ ოქროს საბადოს ფასი 15 ათასი ლარის ოდენობით? ეს სასწრაფოდ უნდა იქნას გამოძიებული. ყველა ის პირი, რომელმაც აუქციონზე ეს ქონება ამ ფასად გაიტანა უნდა იყოს გაძევებული სახელმწიფო სტრუქტურებიდან. ქონება არასწორად შეაფასეს, 9 თეთრით ყიდნენნ და თურმე 5 მილიონი ღირებულა. მოგიწოდებთ დროებითი საგამოძიებო კომისიის შექმნას და ეს საკითხი პარლამენტში განსახილველად რაც შეიძლება მალე იყოს გამოტანილი", - განაცხადა საპარლამენტო უმცირესობის წევრმა.

ცნობისთვის, საყდრისის ტერიტორია რეკორდულ ფასად, 5 მილიონ 56 ათას ლარად იჯარით გაიცა. ლოტის საწყისი ფასი 15 000 იყო.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ