„ჩემი პირადი ხედვაა, რომ უზნეო განცხადებები გაკეთდა სწორედ მიზანმიმართულად იმისთვის, რომ ამდაგვარი აგრესიული გამოხმაურება ყოფილიყო”, - ამის შესახებ საპარლამენტო უმრავლესობის წევრმა  გია ვოლსკიმ გუშინ „რუსთავი2“-ის შენობასთან განვითარებული მოვლენების კომენტირებისას ჟურნალისტებს განუცხადა.

მისივე თქმით, საზოგადობის მხრიდან ისეთი სახის ქმედებას, რაც „რუსთავი2“-ის გადაცემის ერთ-ერთმა წამყვანმა გიორგი გაბუნიამ  ჩაიდინა, ადეკვატური რეაგირება უნდა მოჰყვეს:

„არ ვიცი, სამართლებრივად როგორი შეფასება ექნება. მთლიანად საზოგადოების შეფასებასაც მე ვერ გავახმოვანებ. ჩემი პირადი ხედვაა, რომ უზნეო განცხადებები გაკეთდა სწორედ მიზანმიმართულად იმისთვის, რომ ამდაგვარი აგრესიული გამოხმაურება ყოფილიყო. ვფიქრობ, რომ ხშირად საზოგადოებამ ზუსტად უნდა დაუსვას დიაგნოზი და ადეკვატური გამოხმაურება უნდა გააკეთოს ასეთი სახის გამოხტომებზე, რაც „რუსთავი 2“-ს ერთ-ერთმა წამყვანმა დაუშვა, შეურაცხყო რა ჩვენი ყველას რელიგიური გრძნობები. აქ არ არის საუბარი მკრეხელობაზე. ვფიქრობ, აქ საუბარია გამიზნულ პროვოკაციაზე, რომელსაც უნდა მოჰყოლოდა სწორედ ასეთი განვითარება“, - განაცხადა გია  ვოლსკიმ.

კითხვაზე- აქვს თუ არა გამართლება ე.წ. ქართული მარშის მონაწილეთა ქმედებებს, ვოლსკიმ  ასე უპასუხა:

 „აქვს თუ არა გამართლება ამას სამართალდამცველები შეაფასებენ. ვფიქრობ, რომ სწორედ ასეთი უზნეობა ხშირ შემთხვევაში გარკვეულ სტიმულს აძლევს აგრესიულ ქმედებას, რომელიც კანონსაწინააღმდეგოა“, - აღნიშნა  გია ვოლსკიმ.

ავტორი: ,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს