დეცენტრალიზაცია არის აუცილებელი პირობა დემოკრატიული სისტემის გამართული ფუნქციონირებისთვის, - ამის შესახებ საქართველოს პარლამენტის თავმჯდომარე ირაკლი კობახიძემ განაცხადა.

მისი თქმით, არსებობს მყარად ჩამოყალიბებული აზრი, რომ საქართველოში ადგილობრივი თვითმმართველობის სისტემა გაძლიერდეს.

"დეცენტრალიზაცია არის ის მიმართულება, რომელიც არის აუცილებლად გასატარებელი ჩვენი ქვეყნის მიერ. დეცენტრალიზაცია არის არამხოლოდ მნიშვნელოვანი ქვეყნის განვითარებისთვის. არამედ, არის აუცილებელი პირობა დემოკრატიული სისტემის, დემოკრატიული.მმართველობის სისტემის გამართული ფუნქციონირებისთვის. აქედან გამომდინარე, ჩვენი განსაკუთრებული პასუხისმგებლობაა, გავატაროთ რეფორმები ამ მიმართულებით. დეცენტრალიზაციას ესაჭიროება, პირველ რიგში პოლიტიკური ნება. პოლიტიკური ნების გარეშე შეუძლებელია წარმატების მიღწევა ამ სფეროში და მე მოხარული ვარ, რომ ეს ნება არსებობს. არსებობს ძალიან მყარად ჩამოყალიბებული აზრი იმისა, რომ საქართველოში გაძლიერდეს, ადგილობრივი თვითმმართველობის სისტემა და საქართველოში განხორციელდეს შესაბამისი დეცენტრალიზაციის კომპლექსური და მასშტაბური რეფორმა", - განაცხადა კობახიძემ.

საქართველოს მთავრობა აგრძელებს თანამშრომლობას გაეროს განვითარების პროგრამასთან და ავსტრიისა და შვეიცარიის მთავრობებთან რეგიონული და ადგილობრივი განვითარების საქმეში. ახალი ინიციატივა რომელიც დღეს განიხილეს, მხარს უჭერს დეცენტრალიზაციისა და ადგილობრივი თვითმმართველობის ახალი ეროვნული ხედვის განხორციელებას, ადგილობრივი ეკონომიკის განვითარებას და გადაწყვეტილების მიღების პროცესში მოქალაქეთა ჩართულობის გაზრდას. პროგრამა 2018 - 2021 წლებში განხორციელდება. მისი მთლიანი ბიუჯეტი 5.5 მილიონი აშშ დოლარია.

ახალი ინიციატივის წარდგენას, მთავრობის, პარლამენტის, სამოქალაქო საზოგადოებისა და საერთაშორისო ორგანიზაციების წარმომადგენლები ესწრებოდნენ. 

ავტორი: ,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს