ვარშავაში, საქართველოსა და პოლონეთის რესპუბლიკას შორის „შემოსავლებსა და კაპიტალზე ორმაგი დაბეგვრის თავიდან აცილების შესახებ“ შეთანხმების დადების მიზნით მოლაპარაკებები გაიმართა. 

ფინანსთა სამინისტროს ინფორმაციით, მოლაპარაკებების შედეგად, მოხდა  შეთანხმების ახალი  ტექსტის პარაფირება, რომელიც ეფუძნება OECD-ის 2014 წლის სამოდელო კონვენციას და სხვა მნიშვნელოვან საკითხებთან ერთად, ითვალისწინებს საგადასახადო საკითხებში თანამშრომლობისა და ინფორმაციის გაცვლის ახალი სტანდარტების დანერგვას.

აღნიშნული შეთანხების ძალაში შესვლისთანავე, მოქმედებას შეწყვეტს 1999 წლის 5 ნოემბერს, ქ. ვარშავაში, ხელმოწერილი „საქართველოს მთავრობასა და პოლონეთის რესპუბლიკის მთავრობას შორის შემოსავლებზე, კაპიტალსა და ქონებაზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ“ შეთანხმება. 

 პოლონეთის რესპუბლიკა საქართველოს ერთ-ერთი მნიშვნელოვანი ეკონომიკური პარტნიორია. სტატისტიკური მონაცემების თანახმად, საქართველოსა და პოლონეთის რესპუბლიკას შორის ეკონომიკური და საინვესტიციო აქტივობის პოზიტიური დინამიკა აღინიშნება. 2013-2014 წლებში ექსპორტის რაოდენობამ ორ ქვეყანას შორის 17 462 970 აშშ დოლარი, ხოლო იმპორტის რაოდენობამ 182 695 200 აშშ დოლარი შეადგინა. ამასთან, ამავე პერიოდში განხორციელებული ინვესტიციების რაოდენობამ 1 341 400 აშშ დოლარს გადააჭარბა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს