"ნაციონალური მოძრაობის" წევრის სალომე სამადაშვილის განცხადებით, რუსეთის საგარეო საქმეთა სამინისტრომ დაადასტურა, რომ პრემიერის განცხადება უკიდურესად დამაზიანებელი იყო საქართველოს სახელმწიფო ინტერესებისთვის.

"ფაქტობრივად, ამ განცხადებით, ბატონმა კვირიკაშვილმა რუსეთს მისცა შესაძლებლობა, რომ მოიხსნას პასუხისმგებლობა, როგორც მხარემ კონფლიქტის და რეალურად შექმნას  ისეთი ვითარება, რომ სამხრეთ ოსეთისა და აფხაზეთის ოკუპაციის თემა მოიხსნას დღის წესრიგიდან და რუსეთი დაუბრუნდება იმ ვითარებას, როდესაც ის ჩაითვლება არა მხარედ ამ კომფლიქტის, არამედ მშვიდობოსმყოფელ და შუამავალ ძალად",-აღნიშნა სამადაშვილმა.

რუსეთის საგარეო საქმეთა სამინისტროში პრემიერ გიორგი კვირიკაშვილის მიმართვას გუშინ უპასუხეს. უწყებაში აღნიშნავენ, რომ  ყურადღებით გაეცნენ საქართველოს მთავრობის მეთაურის  განცხადებას.

რუსეთის საგარეო საქმეთა სამინისტროს განცხადებით,   არავის  უნდა ეპარებოდეს  ეჭვი, რომ  რუსეთი  როგორც ადრე, ახლაც დაინტერესებულია მეზობელ საქართველოსთან ურთიერთობების გაუმჯობესებით.

"რუსეთი მზადაა იმდენად წინ წავიდეს, რამდენადაც ამისთვის მზადაა თბილისი. კვირიკაშვილის მიერ  ნახსენები  ჟენევის დისკუსიის პროგრესისკენ სწრაფვა, აჩენს საქართველოს მხარის კონსტრუქციულობის იმედს მარტის თვეში, შემდეგი რაუნდის დროს. ჩვენ დარწმუნებულები ვართ, რომ ასეთი მიდგომა ხელს შეუწყობს სხვა მოლაპარაკებებს, მიუხედავად იმისა, თუ ვინ წარუძღვება საქართველოს დელეგაციას ჟენევაში.

არ შეიძლება არ მივესალმოთ სწრაფვას პირდაპირი დიალოგისადმი აფხაზებთან და სამხრეთ ოსეთის წამრომადგენლებთან. სწორედ  ესაა იმ საკითხების დარეგულირების  რეალური გზა, რომელიც  საქართველოს აწუხებს და რომელიც რუსეთ-საქართველოს ორმხრივი დღის წესრიგის ჩარჩოებს მიღმა არსებობს.ეს ეხება, კერძოდ, სამწუხაროდ მომხდარ ინციდენტს საქართველოს მოქალაქე ა. ტატუნაშვილთან დაკავშირებით“,-ნათქვამია რუსეთის საგარეო საქმეთა სამინისტროს ვებგვერდზე გავრცელებულ განცხადებაში.

ავტორი: ,

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე