„კომერციული ბანკების მიერ განხორციელებული ტრანზაქციები კომერციული საიდუმლოებაა და მთავრობას კომერციული ბანკების ტრანზაქციებთან დაკავშირებით ინფორმაცია არ აქვს“, - ამის შესახებ ფინანსთა მინისტრმა ნოდარ ხადურმა ენერგეტიკის მინისტრის კახა კალაძის განცხადების კომენტირებისას განაცხადა, რომლის თანახმადაც, მთავრობას ბანკების მიერ განხორციელებული ტრანზაქციების შესახებ ინფორმაცია არ აქვს და პროცესები შესაძლოა, ხელოვნური და პოლიტიკურიც იყოს.

"საქართველოს კანონმდებლობის შესაბამისად, ეს კომერციული საიდუმლოებაა და ფინანსთა სამინისტროს, მთავრობას ხელი არ მიუწვდება აღნიშნული ტიპის ინფორმაციაზე. შესაბამისად, მე ვერავითარ უფლებას ვერ მივცემ ჩემს თავს, რომ კომენტარი გავაკეთო იმ საკითხზე, რომელზეც ინფორმაცია არ მაქვს", - აღნიშნა ნოდარ ხადურმა.

რაც შეეხება ეროვნული ბანკის მიერ ლარის გაუფასურების პროცესში რეზერვების გამოყენების თემას, ფინანსთა მინისტრი აცხადებს, რომ ეს უწყების ექსკლუზიური უფლებაა.

„მე თავს ვიკავებ ეროვნული ბანკის პოლიტიკაზე საუბრისგან, ვინაიდან ეს არის მათი ექსკლუზიური უფლება. ჩემთვის, მოსახლოებისთვის, ეროვნული ბანკისთვის მნიშვნელოვანი ამოცანააა, რომ ის, რაც ხდება ეროვნულ ვალუტასთან დაკავშირებით, შეწყდეს, ლარი დასტაბილურდეს და გამყარდეს კიდეც“, - განაცხადა ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა