ეროვნულ-დემოკრატიული ინსტიტუტის (NDI) საქართველოს ოფისის დირექტორი ლორა თორნტონი მის მიერ გაკეთებულ განცხადებას განმარტავს.

ორგანიზაციის ხელმძღვანელი შექმნილი ვითარების გამო ბოდიშს იხდის.

"ვწუხვარ, რომ ჩემს მიერ გაკეთებული განცხადება, რომელიც სოციალურ ქსელშ პირად გვერდზე გავაკეტე, შესაძლოა ინტერპრეტირებული იყოს, როგორც ქართულ-ამერიკული ურთიერთობების უსამართლო შეფასება. ეს ჩემი განზრახვა არ ყოფილა. ღრმად მწამს იმ მჭიდრო ურთიერთობების, რომელიც საერთო ღირებულებებსა და ინტერესებს ეფუძნება. NDI საქართველოში თავისი საქმიანობის ერთგული რჩება", - წერს თორნტონი Facebook-ის საკუთარ გვერდზე.

შეგახსენებთ, ლორა თორნტონი "იმედთან" ინტერვიუს დროს დასმულ შეკითხვას, რომელიც კვლევაში სამხედრო თვალსაზრისით რუსეთისა და ამერიკის შეერთებული შტატების შედარებას ეხებოდა,სოციალურ ქსელში გამოეხმაურა: ”გასულ ღამეს, "იმედის" ჟურნალისტმა სიტყვასიტყვით მკითხა, ხომ არ გეგმავდა NDI-ი აშშ-ის და რუსეთის სამხედრო ძალებზე კითხვის ამგვარად ფორმულირებით ამერიკის პრეზიდენტის რუსეთთან დაპირისპირების ლობირებას. ხმამაღლა გამეცინა. ტრამპი რუკაზე საქართველოს დიდი ალბათობით ვერც იპოვის, არათუ თვალს ადევნებს აქ ჩატარებული კვლევის შედეგებს! მაგრამ მე მომწონს ვარაუდი, თითქოს ამხელა გავლენა გვაქვს!”, - წერს ლორა თორნტონი Facebook-ზე. ამ განცხადების გამო, საპარლამენტო უმრავლესობის წევრმა ირაკლი მეზურნიშვილმა მას საჯაროდ ბოდიშის მოხდა სთხოვა.

აღსანიშნავია, რომ მანამდე თორნოტი ამბობდა, რომ ბოდიშის მოხდას არ აპირებს: "მე ვარ ამერიკის მოქალაქე და ეს არის ჩემი პირადი მოსაზრება, რომელზეც პოზიცია ჩემს პირად გვერდზე გამოვხატე. ამისთვის ბოდიშის მოხდას არ ვაპირებ". 

ავტორი: ,

სოციალური ქსელები

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას