პარლამენტის ჯანდაცვის კომიტეტის თავმჯდომარის აკაკი ზოიძის განცხადებით, როდესაც ადამიანს არ უმტკიცდება ნარკოტიკული საშუალების გაყიდვა, მისთვის 8 წლით თავისუფლების აღკვეთა არაადამიანურია.

ამასთან, კომიტეტის თავმჯდომარემ დასძინა, რომ სასამართლოს გადაწყვეტილებას მსახიობ გიორგი გიორგანაშვილთან დაკავშირებით საკუთარი სტატუსის გამო არ შეაფასებს. მისივე თქმით, ნარკოპოლიტიკის ლიბერალიზაცია უნდა მოხდეს, რომ გიორგი გიორგანაშვილის ნაირი ადამიანები ციხეში არ ისხდნენ.

"მე არ ვაკეთებ სასამართლო გადაწყვეტილებაზე კომენტარს. ეს პარლამენტის წევრისთვის შეუფერებელია. დამნაშავეს და უდანაშაულს დაადგენს სასამართლო სისტემა. არსებობს კიდევ ორი ინსტანცია და დიდი იმედი მაქვს, რომ ამ საკითხს შესაბამისი გადაწყვეტა ექნება. თვითონ ფაქტი, რომ არსებული კანონმდებლობით ადამიანს უმტკიცდება, რომ ჯიბეში ჰქონდა ნარკოტიკული საშუალება და პარალელურად არ უმტკიცდება, გაყიდვა-გასაღების ფაქტი და ის მიდის 8 წლით ციხეში - თვითონ ეს კანონმდებლობის ნორმა არის ჩემი აზრით არაადამიანური და სწორედ ამ კუთხით ვამბობთ ჩვენ, რომ უნდა გავაადამიანუროთ ნარკოპოლიტიკა. თუ პირი არის გამსაღებელი ის უნდა დაისაჯოს დაუნდობლად, მათ შორის 8 წლით და უფრო მეტი ვადითაც, მაგრამ თუ ის არის მომხმარებელი და პირადი მიზნებისთვის ფლობს მცირეოდენობით ნარკოტიკულ ნივთიერებას მის მიმართ, პოლიტიკა უნდა იყოს ლიბერალური", - განაცხადა ზოიძემ.

დეპუტატის განმარტებით, იმ ნივთიერებაზე, რომელიც გიორგი გიორგანაშვილის შემთხვევაში იყო ამოღებული, არანაირი ზღვრული ოდენობა არ არის განსაზღვრული.

"სამწუხაროდ იმ ნივთიარებაზე, რომელიც ბატონი გიორგანაშვილის შემთხვევაში იყო ამოღებული არ არის განსაზღვრული არანაირი ზღვრული ოდენობა, არანაირი პირადი მოხმარების ოდენობა, და ამის გამო ნებისმიერი ოდენობა ითვლება განსაკუთრებით დიდ ოდენობად. ნებისმიერი ოდენობა ითვლება ნარკოტიკების გაყიდვად-გასაღებად-გავრცელებად და ამის გამო სასამართლო ხელისუფლებას შეზღუდული აქვს დისკრეცია ინდივიდუალურად განეხილა ბატონი გიორგანაშვილის საქმე, რომელსაც არამგონია რომ პირადად ამ ადამიანს საზოგადოებისთვის რაიმე ზიანი მიეტანოს ან გაევრცელებინოს. მთლიანად ვიზიარებ პათოს და პასუხისმგებლობას. პასუხისმგებლობას, რომ ვგრძნობთ, სწორედ ამიტომ შემოვიტანეთ საკანონმდებლო ინიციატივა. ჩვენ გვინდა, რომ ბატონი გიორგანაშვილისნაირი ადამიანები არ ისხდნენ ციხეში 8 წლით და ცხოვრება არ გაემრუდოთ. აუცილებელია, რომ კანონმდებლობა შეიცვალოს. გამსაღებლებთან დაუნდობელი ბრძოლა უნდა გაგრძელდეს", - განაცხადა აკაკი ზოიძემ.

ავტორი: ,

სოციალური ქსელები

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო

რუსეთში დამკრძალავი კომპანიების რაოდენობა მკვეთრად გაიზარდა, უკრაინაში რეკორდული დანაკარგის ფონზე.